Pra heta siońnia na pres-kanfierencyi paviedamiŭ žurnalistam pieršy namieśnik ministra pracy i sacyjalnaj abarony Biełarusi Piatro Hrušnik.
Hrušnik adznačyŭ, što
dachody ad padatku nie ŭnosilisia ŭ biudžet krainy i padkreśliŭ, što katehoryi «darmajed» niama ŭ zakanadaŭstvie i pakul jana nie raspracavana, tamu nieviadoma, kaho treba abkładać padatkam.
«Jak vyznačyć, chto taki darmajed? Ci heta toj, chto za 10 hadoŭ nivodnaha ćvika nie zabiŭ, ci toj, chto za dva miesiacy pierasiok miažu 150 razoŭ?» — skazaŭ Hrušnik.
Hrušnik ŭ svaim adkazie zapiarečyŭ Michaiłu Miaśnikoviču, jaki i prapanavaŭ u lipieni ŭvieści padatak na 445 tysiačaŭ pracazdolnych, ale nidzie nie zaniatych asob.
Hrušnik patłumačyŭ, što
Miaśnikovič tady ahučyŭ ličby bałansu pracoŭnych resursaŭ Biełstata.
«Pavodzie hetaj statystyki pa stanie na 2012 hod u krainie naličvałasia 30,2 tysiačy čałaviek, jakim nie patrebna pracavać, 20 tysiačaŭ čałaviek, jakija ličać, što nie majuć patreby pracavać, 211 tysiačaŭ hatovych prystupić da pracy i 120 tysiačaŭ zaniatych u chatniaj haspadarcy.
Ale ci možna ličyć zaniatych u chatniaj haspadarcy darmajedami?
Jany chodziać u kramy, sadziać bulbu, hadujuć śviniej, nosiać ich na bazar, — paviedamiŭ namministra. — Da taho ž nichto ŭ respublicy jašče nie praličyŭ ekanaminčy efiekt ad taho, što my kahości vyłavim i vydatkujem na heta resursy. Nie ŭsio tak prosta paddajecca aryfmietycy».
Adnak Hrušnik zaŭpeŭniŭ, što da pytańnia darmajedaŭ Ministerstva pracy i sacyjalnaj abarony jašče vierniecca.
«U mai my atrymajem bałans pracoŭnych resursaŭ za 2013 hod i pilna praanalizujem jaho. Tady, paśla paraŭnalnaha analizu, možna budzie skazać, ci jość u krainie «darmajedy», ź jakich možna spahaniać padatak», — rastłumačyŭ Hrušnik.
U svaim paviedamleńni Piatro Hrušnik paviedamiŭ, što
pa stanie na 1 śniežnia 2013 hoda ŭ Biełarusi naličvałasia 21 tysiača biespracoŭnych i 65 tysiačaŭ vakansij. Zahadkavyja 211 tysiačaŭ asob, «hatovych prystupić da pracy», biespracoŭnymi nie ličacca.
«Pry zbory statystyki hetyja ludzi kažuć, što aktyŭna šukajuć pracu i hatovyja prystupić da pracy. Pavodle kłasifikacyi Suśvietnaj arhanizacyi pracy jany jość biespracoŭnymi, ale my ich takimi nie ličym. Bo siońnia ŭ ich adno mierkavańnie, zaŭtra inšaje. Chočaš pracavać — zarehistrujsia na biržy pracy. Niama śpiecyjalnaści? My biaspłatna navučym i adpravim na Traktarny zavod, tam ciapier jość patreba ŭ śpiecyjalistach», — reziumavaŭ Hrušnik.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary