Usio tłumačycca narmatyvami.
Tut rastłumačyli, što zhodna ź dziejučymi narmatyvami ciapło ŭ kvatery budzie padadziena ŭ vypadku, kali siaredniaja tempieratura znadvornaha pavietra na praciahu 5 dzion nie pieravyšaje 8 hradusaŭ ciapła. Taki tempieraturny režym trymajecca ŭžo treci dzień.
Ustanoŭleny termin piać dzion vybrany nie advolna, a niepasredna źviazany z budaŭničymi normami Biełarusi. Jość navat taki termin — budaŭničaja klimatałohija, jaki hruntujecca na danych ab siaredniamiesiačnaj tempieratury znadvornaha pavietra. U adpaviednaści z raźlikami ciepłatechničnych charaktarystyk budynkaŭ, kali siaredniasutačnaja tempieratura znadvornaha pavietra na praciahu 5 dzion nie pieravyšaje 8 hradusaŭ ciapła, to klimatyčnyja ŭmovy ŭnutry kvater stanoviacca niekamfortnymi dla žylcoŭ. Heta i źjaŭlajecca padstavaj dla pačatku aciaplalnaha pieryjadu.
Takim čynam, kali da paniadziełka nie paciapleje, to jość usie padstavy dla ŭklučeńnia z hetaha dnia aciapleńnia, havorać śpiecyjalisty. U vypadku pryniaćcia rašeńnia ab padačy ciapła ŭ žyły fond damy buduć padklučacca paetapna — pa 20 pracentaŭ štodzień. Zatym batarei paciaplejuć u hramadskich i administracyjnych budynkach. U apošniuju čarhu — u pramysłovych pradpryjemstvach.
Nahadajem, što ŭ minułym aciaplalnym siezonie štomiesiačnaja płata za adapakajovuju siaredniestatystyčnuju kvateru (raźličana pa narmatyvu) składała Br71876, dvuchpakajovuju — Br107440, trochpakajovuju — Br141564 i čatyrochpakajovuju — Br182888. U hetym siezonie apłata pa žyroŭkach budzie zaležać ad tempieratury pavietra za aknom i adpaviedna ad kolkaści spažytaha ciapła, udakładnili ŭ Hałoŭnym vytvorčym upraŭleńni žyllovaj haspadarki Minharvykankama.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli57
Alaksandr Łukašenka tak lasnuŭsia na lod na chakiei, što trybuny zamierli
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary