U sacyjalnych sietkach źjaviłasia infarmacyja, što studentaŭ BDU, u pryvatnaści Instytuta žurnalistyki, zaprašajuć uziać udzieł u zdymkach filma «Aviel» – u masoŭcy, jakaja budzie zdymacca ŭ Minsku ciaham čatyroch dzion, i budzie pryśviečana padziejam 19 śniežnia 2010-ha hoda. Udzielnikam prapanujuć premii.
«Tak, da nas čaściakom źviartajucca kinakampanii, rekłamnyja ahientstvy, zaprašajuć našych studentaŭ, – kaža namieśnik dekana pa ideałahičnaj častcy Instytuta žurnalistyki Hanna Kurejčyk. – My zaprašajem achvotnych, hvałtam nichto nikoha nie adpraŭlaje – u nas niama takoj zaviadzionki».
Što tyčycca premii, to jaje nasamreč abiacajuć – pa słovach spadaryni Kurejčyk, tak byvaje z usimi univiersiteckimi ci fakulteckimi mierapryjemstvami. Adnak ci maje «Aviel» dačynieńnie da ŭniviersiteta?
«Heta ž nacyjanalny kinaprajekt, - tłumačyć Kurejčyk. – Pra pamier premii skazać nie mahu, bo fiksavanych rascenak tam niama. Pra kolkaść ludziej, jakija zhadzilisia – taksama, u rešcie rešt u Minsku šmat navučalnych ustanovaŭ».
Zdymki scenaŭ Płoščy pačnucca ŭ Minsku siońnia, zapłanavanaja kolkaść udzielnikaŭ masoŭki – 500 čałaviek.
Čytajcie taksama:
Studentam prapanujuć udzielničać ŭ zdymkach Płoščy-2010 za adpracoŭki
Jak ciapier vyhladaje palitźniavoleny Ihar Łosik FOTA8
Kamientary