Ekanamičnaja situacyja ŭ krainie vielmi ciažkaja, zajaviŭ premjer-ministr Biełarusi Michaił Miaśnikovič u interv`iu prahramie «Karcina śvietu» na telekanale «RTR-Biełaruś», pakazanym u efiry viečaram 8 lutaha.
«Kab być kankurentazdolnymi, nam treba vieści aktyŭnuju inviestycyjnuju dziejnaść, madernizacyju. Nie ŭmierana, nie pasiŭna. Biez dastupnych kredytaŭ vyrašyć heta niemahčyma. Jakija krynicy? Prybytak nie vysoki, biudžetnyja mahčymaści abmiežavanyja. Pramych zamiežnych inviestycyj mała. Vyručki ad pryvatyzacyi niama amal nijakaj», — kanstatavaŭ Miaśnikovič.
Zastajecca, pavodle jaho słoŭ, kredytavańnie, ale kredyty siońnia niedastupnyja realnamu siektaru ekanomiki.
«A kab atrymać kankurentazdolnuju ekanomiku, u jaje nieabchodna ŭlić hrošy», — zajaviŭ prem`ier, adznačyŭšy, što pad 40% nichto hrošy brać nie budzie. Jon taksama pryznaŭ, što letaś kredyty na madernizacyju sub`iektam haspadarańnia byli naviazany ŭradam.
Banki pavinny źnizić staŭku, pamienšyć maržu, što farmiruje ŭłasny prybytak, «i kab heta było chacia b na ŭzroŭni inflacyi», zajaviŭ Miaśnikovič.
Jon adznačyŭ, što ŭrad ciapier biare abaviazak nie prymušać banki kredytavać nieefiektyŭnyja prajekty.
Miaśnikovič paviedamiŭ, što na nastupnym tydni maje namier padpisać pastanovu, «tak zvany płan finansavańnia».
«Tudy ŭvojduć žyllo, vioska i inšyja dziaržaŭnyja prahramy. I heta budzie vyčarpalny śpis», — skazaŭ prem`ier.
Pavodle jaho słoŭ, banki realna majuć mahčymaść zabiaśpiečyć pryrost kredytnych resursaŭ prykładna na 55 tryljonaŭ rubloŭ. Plus zvarotnyja kredyty. «Voś taja masa hrošaj, jakoj urad pavinien razumna rasparadzicca», — zajaviŭ Miaśnikovič.
Ciapier čytajuć
Maryna Adamovič apublikavała novyja FOTY Mikoły Statkieviča2
Kamientary