Zavieršana rasśledavańnie kryminalnaj spravy pa faktu śmierci maładych ludziej u Alochnavičach Maładziečanskaha rajona.
3 listapada 2013 «Miersedes» vyjechaŭ na čyhunačny pierajezd i sutyknuŭsia z pasažyrskim ciahnikom i hruzavym łakamatyvam. Lehkavik tady prosta pieratvaryła ŭ hrudu žaleza, a ludziej z mašyny vykinuła: kiroŭca i dvoje pasažyraŭ zahinuli, jašče adnaho chłopca špitalizavali.
«Z ulikam sabranych dokazaŭ śledčymi ŭstanoŭlena nie tolki asoba, jakaja kiravała transpartnym srodkam, ale i miesca kožnaha pasažyra ŭ im. U momant śmierci jany znachodzilisia ŭ stanie ałkaholnaha apjanieńnia, u tym liku 23-hadovy kiroŭca, ułaśnik aŭtamabila, raniej pazbaŭleny paśviedčańnia kiroŭcy, - paviedamiła pradstaŭnik upraŭleńnia Śledčaha kamiteta pa Minskaj vobłaści Taćciana Biełanoh. – Analizujučy sabranyja padčas papiaredniaha rasśledavańnia materyjały, śledstva pryjšło da vysnovy, što pryčynaj zdareńnia było hrubaje parušeńnie praviłaŭ darožnaha ruchu: kiravańnie aŭtamabilem u stanie ałkaholnaha apjanieńnia, vyjezd na čyhunačny pierajezd pry zabaranialnym sihnale śviatłafora».
Kryminalnaja sprava spyniena ŭ suviazi sa śmierciu kiroŭcy.
Načalnik milicyi Brahina stralaŭ u svaju žonku. Jana cudam vyžyła9
Kamientary