Operny śpiavak, zasłužany artyst Biełarusi, kiraŭnik «Biełaruskaj kapeły» Viktar Skorabahataŭ ličyć, što ŭ ciapierašniaj Rasiei adbyvajucca pracesy, jakija nie dajuć padstavaŭ havaryć pra ahulnaje zdaroŭje nacyi:
«Na moj pohlad, dla XXI stahodździa adbyvajecca niešta absalutna niezrazumiełaje. Jak možna parušać pahadnieńni ab nieparušnaści miežaŭ, jakija jość pamiž Ukrainaj, Rasiejaj i astatniaj Eŭropaj? Dla mianie heta zusim niezrazumieła. Atrymlivajecca, što my žyviom napiaredadni novaj usiaśvietnaj vajny, ci što? U takim vypadku «dach źjechaŭ» u ludziej, jakija da hetaha imknucca. Ščyra kažučy, ja nie hladžu telebačańnie, va ŭsialakim razie rasiejskija kanały, bo ad taho, što ja razok-druhi pačuŭ, uražańnie składajecca adnaznačnaje: u cełaha naroda «źjechaŭ dach», kali jany sapraŭdy tak dumajuć. Viadoma, ja nie zusim upeŭnieny, što tak, jak Pucin, dumajuć usie, heta jasna. Jość u Rasiei i razumnyja ludzi, i narmalnyja. Ale niaŭžo inšym niezrazumieła: nia daj boža zdarycca horšaje — maju na ŭvazie, što Krym stanie nieviadoma čym — užo nazaŭtra niešta padobnaje skažuć u toj ža samaj Rasiei. Finy ci tatary na Vołzie. I što jany tady buduć rabić, na što buduć spasyłacca rasiejskija ŭłady? Niaŭžo znojducca ludzi, jakim by nie chaciełasia žyć u Niamieččynie ŭ toj ža Kalininhradzkaj vobłaści? Viadoma, heta niejkaja chvoraja dziaržava — u jurydyčnym sensie, u maralnym sensie. Jak bačym, tam chvoryja i ludzi, u tym liku kiraŭniki artystyčnych kalektyvaŭ ci asobnyja tvorcy. Heta škada, vielmi škada».
Kamientary