Čysty adtok kapitału z Rasii pa vynikach pieršaha kvartała 2014 moža skłaści bolš za 50 miljardaŭ dalaraŭ, u cełym za hod — bolš za 200 miljardaŭ, ličyć dyrektar Instytuta stratehičnaha analizu FBK Ihar Nikałajeŭ.
«Pa adtoku kapitału viadomy pakul tolki studzieński pakazčyk — 17 miljardaŭ dalaraŭ. Jość acenki, my ich padzialajem, što pa pieršym kvartale adtok budzie kala 50 miljardaŭ dalaraŭ. Ad 150 da 200 miljardaŭ dalaraŭ ZŠA składzie čysty adtok kapitału ŭ hetym hodzie», — skazaŭ Nikałajeŭ, jakoha cytuje Prajm.
U aŭtorak kiraŭnik Minekanamraźvićcia Alaksiej Ulukajeŭ paviedamiŭ žurnalistam, što čysty adtok kapitału z RF u studzieni — lutym 2014 aceńvajecca ŭ 35 miljardaŭ dalaraŭ.
«My praktyčna štodnia ličym adtok kapitału. Za pieršy kvartał u nas pakul atrymlivajecca, što heta budzie kala 73-75 miljardaŭ dalaraŭ», — u svaju čarhu dadaŭ dyrektar Centra strukturnych daśledavańniaŭ Instytuta ekanamičnaj palityki imia Hajdara Alaksiej Viedzieŭ.
«Hałoŭnaja fundamientalnaja pryčyna — heta stan rasijskaj ekanomiki. My faktyčna ŭvajšli ŭ recesiju, lutaŭskija dadzienyja heta ŭ jašče bolšaj stupieni paćvierdziać. Pa VUP jašče niejki rost budzie pa vynikach pieršaha kvartała, vidavočna ŭ miežach adnaho pracenta, ale asobnyja vidy dziejnaści ŭžo pakazali minus — heta budaŭnictva, spad inviestycyj u asnoŭny kapitał. Jość užo sychod u recesiju — heta toj faktar, ihnaravać jaki nielha», — zaŭvažyŭ Nikałajeŭ.
Ciapier čytajuć
Jak Ksiuša z SMA apynułasia ŭ Domie dziciaci pry žyvoj mamie? Voś što kaža sama maci1
Kamientary