U Minsku zatrymany arhanizatar złačynnaj hrupy, jaki znachodziŭsia z 2009 hoda ŭ mižnarodnym vyšuku. Ab hetym paviedamili ŭ pres-słužbie Kamiteta dziaržaŭnaha kantrolu Biełarusi.
Departamientam finansavych rasśledavańniaŭ KDK i Hienieralnaj prakuraturaj spyniena dziejnaść hrupy hramadzian, jakija zajmalisia na praciahu 2013-2014 hadoŭ niezakonnaj pradprymalnickaj dziejnaściu. Jaje ŭdzielniki atrymali dachod na sumu bolš jak Br5 młrd.
U skład złačynnaj hrupy ŭvachodzili žychary Minska.
Jany vykarystoŭvali rekvizity, piačatki i raźlikovyja rachunki padkantrolnych im indyvidualnych pradprymalnikaŭ dla akazańnia pasłuh svaim klijentam pa praviadzieńni niezakonnych finansavych apieracyj pa pieravodzie bieznajaŭnych biełaruskich rubloŭ u najaŭnyja zamiežnuju valutu i biełaruskija rubli.
Rabotniki finansavaj milicyi ŭstanavili, što čaćviora indyvidualnych pradprymalnikaŭ, čyje rekvizity vykarystoŭvalisia dadzienaj hrupaj hramadzian, zarehistravalisia ŭ jakaści takich na płatnaj asnovie biez namieru ažyćciaŭlać pradprymalnickuju dziejnaść.
Pa dadzienym fakcie Departamientam finansavych rasśledavańniaŭ KDK u dačynieńni da hrupy hramadzian raspačata kryminalnaja sprava pa č.2 art.233 (niezakonnaja pradprymalnickaja dziejnaść ) Kryminalnaha kodeksa. U dačynieńni da IP, rekvizity jakich vykarystoŭvalisia dla praviadzieńnia niezakonnych finansavych apieracyj, Hienieralnaj prakuraturaj raspačata čatyry kryminalnyja spravy pa č.2 art.234 (iłžepradprymalnictva ).
Departamientam finansavych rasśledavańniaŭ pry ŭdziele AMAP HUUS Minharvykankama i DAI UUS administracyi Frunzienskaha rajona stalicy ŭstanoŭlena miescaznachodžańnie ŭsich udzielnikaŭ złačynnaj dziejnaści. Arhanizatar hrupy, jaki znachodziŭsia z 2009 hoda ŭ mižnarodnym vyšuku, aryštavany.
Akramia taho, praviedziena bolš za 15 pieratrusaŭ, padčas jakich kanfiskavana bolš za 10 adzinak kampjuternaj techniki, buchhałtarskija dakumienty i inšyja nośbity infarmacyi, 8 piačatak indyvidualnych pradprymalnikaŭ.
Darečy, apieracyi pa raźlikovych rachunkach indyvidualnych pradprymalnikaŭ Departamientam finansavych rasśledavańniaŭ ŭžo byli prypynienyja raniej.
Pa kryminalnych spravach viadziecca papiaredniaje śledstva.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary