У Мінску затрыманы арганізатар злачыннай групы, які знаходзіўся з 2009 года ў міжнародным вышуку. Аб гэтым паведамілі ў прэс-службе Камітэта дзяржаўнага кантролю Беларусі.
Дэпартаментам фінансавых расследаванняў КДК і Генеральнай пракуратурай спынена дзейнасць групы грамадзян, якія займаліся на працягу 2013-2014 гадоў незаконнай прадпрымальніцкай дзейнасцю. Яе ўдзельнікі атрымалі даход на суму больш як Br5 млрд.
У склад злачыннай групы ўваходзілі жыхары Мінска.
Яны выкарыстоўвалі рэквізіты, пячаткі і разліковыя рахункі падкантрольных ім індывідуальных прадпрымальнікаў для аказання паслуг сваім кліентам па правядзенні незаконных фінансавых аперацый па пераводзе безнаяўных беларускіх рублёў у наяўныя замежную валюту і беларускія рублі.
Работнікі фінансавай міліцыі ўстанавілі, што чацвёра індывідуальных прадпрымальнікаў, чые рэквізіты выкарыстоўваліся дадзенай групай грамадзян, зарэгістраваліся ў якасці такіх на платнай аснове без намеру ажыццяўляць прадпрымальніцкую дзейнасць.
Па дадзеным факце Дэпартаментам фінансавых расследаванняў КДК у дачыненні да групы грамадзян распачата крымінальная справа па ч.2 арт.233 (незаконная прадпрымальніцкая дзейнасць ) Крымінальнага кодэкса. У дачыненні да ІП, рэквізіты якіх выкарыстоўваліся для правядзення незаконных фінансавых аперацый, Генеральнай пракуратурай распачата чатыры крымінальныя справы па ч.2 арт.234 (ілжэпрадпрымальніцтва ).
Дэпартаментам фінансавых расследаванняў пры ўдзеле АМАП ГУУС Мінгарвыканкама і ДАІ УУС адміністрацыі Фрунзенскага раёна сталіцы ўстаноўлена месцазнаходжанне ўсіх удзельнікаў злачыннай дзейнасці. Арганізатар групы, які знаходзіўся з 2009 года ў міжнародным вышуку, арыштаваны.
Акрамя таго, праведзена больш за 15 ператрусаў, падчас якіх канфіскавана больш за 10 адзінак камп'ютэрнай тэхнікі, бухгалтарскія дакументы і іншыя носьбіты інфармацыі, 8 пячатак індывідуальных прадпрымальнікаў.
Дарэчы, аперацыі па разліковых рахунках індывідуальных прадпрымальнікаў Дэпартаментам фінансавых расследаванняў ўжо былі прыпыненыя раней.
Па крымінальных справах вядзецца папярэдняе следства.
Цяпер чытаюць
На аўташоу ў Лідзе ледзь не загінуў адзін з самых знакамітых каскадзёраў Беларусі — яго відэа сабралі амаль паўмільярда праглядаў. Што з ім цяпер?2
Каментары