Vypusknyja viečary projduć u minskich škołach 12 červienia, paviedamiŭ siońnia žurnalistam staršynia kamiteta pa adukacyi Minharvykankama Michaił Mirončyk.
«U hetym hodzie vučoba dla vučniaŭ 1-8-ch i 10-ch kłasaŭ skončycca 30 maja, a 31 maja z 10.00 da 12.00 u staličnych škołach praźviniać apošnija zvanki dla 13 938 vučniaŭ 9-ch kłasaŭ i 8 168 vypusknikoŭ 11-ch kłasaŭ. Vypusknyja viečary u hetym hodzie pačnucca ŭ 19.00 12 červienia», — skazaŭ Michaił Mirončyk.
Pryjom u pieršyja kłasy staličnych škoł adbudziecca z 2 červienia pa 28 žniŭnia.
Čakajecca, što ŭpieršyniu za party ŭ nastupnym navučalnym hodzie siaduć bolš za 20 tys. dziaciej.
Ustupnaja kampanija ŭ 5-ja kłasy himnazij projdzie z 2 pa 10 červienia, u 10-ja kłasy — z 15 pa 20 červienia, u 8-ja kłasy ŭ kadeckija vučyliščy — z 20 pa 30 červienia.
Kamientary