Pravaachoŭniki Viciebska zatrymali traich rasiejcaŭ, jakija vykradali hrošy z kart-rachunkaŭ biełarusaŭ. Pra heta paviedamiŭ načalnik adździeła pa raskryćci złačynstvaŭ u śfiery vysokich technałohij UUS Viciebskaha abłvykankama Hieorhij Jabłonski.
Sa studzienia 2014 milicyja abłasnoha centra zafiksavała vialikuju kolkaść vypadkaŭ kradziažu srodkaŭ z dapamohaj padroblenych bankaŭskich kartak. Raspačata bolš za 20 kryminalnych spraŭ.
«Składanaść u raskryćci dadzienych złačynstvaŭ zaklučałasia ŭ tym, što paciarpiełyja nie adrazu vyjaŭlali prapažu hrošaj. Jany źviartalisia ŭ bank, jaki pravodziŭ ułasnaje raźbiralnictva. I tolki paśla hetaha my atrymlivali zajavu», — rastłumačyŭ Hieorhij Jabłonski.
Tym nie mienš, śpiecyjalistam viedamstva ŭdałosia vyličyć padazravanych. Imi akazalisia hramadzianie Rasii: dvoje maładych ludziej z Kazani i Varonieža i dziaŭčyna ź Vialikich Łuk. U vyniku praviedzienaj śpiecapieracyi supracoŭniki UUS zatrymali aŭtamabil BMW z padazravanymi. U sałonie byli vyjaŭlenyja pryłada dla kapijavańnia infarmacyi z bankaŭskich kartak, jakaja maskirujecca pad detal bankamata (skimier), noŭtbuk, pryłada dla vyrabu padrobnych kartak i sami padrobki.
Usiaho za čas svajoj złačynnaj dziejnaści rasiejcy zavałodali dadzienymi ab kart-rachunkach amal 400 biełarusaŭ i vykrali srodki na ahulnuju sumu kala Br70 młn. Padazravanyja aryštavanyja, pravodzicca pravierka.
Niadaŭna vyjaŭleny jašče adzin fakt kradziažu Br29 młn z rachunku žychara Viciebska (kryminalnaja sprava pakul nie raspačata). Ustanoŭlena, što anałahičnyja złačynstvy hrupa ździajśniała i ŭ Minsku. Taksama jość važkija padstavy mierkavać, što siarod paciarpiełych jość žychary Rasii i Ukrainy.
Ciapier čytajuć
U Varšavu pryjechała sotnia biełaruskich palitviaźniaŭ16
Kamientary