Supracoŭniki staličnaj Dziaržaŭtainśpiekcyi i kryminalnaha vyšuku zatrymali 19‑hadovaha zamiežnika, paviedamlaje pres-słužba MUS.

Chłopiec pa zadańni machlaroŭ pryjechaŭ u Minsk i zabraŭ u piensijanierki bolš za 80 tysiač rubloŭ u ekvivalencie. Najaŭnyja hrošy jon źbiraŭsia vyvieźci za miažu na taksi.
Kiroŭca taksi, jaki prybyŭ na zamovu, pa źniešnim vyhladzie i pavodzinach pasažyra zrazumieŭ, što toj datyčny da kryminalnaj schiemy, i praz kaleh paviedamiŭ pra heta supracoŭnikam Dziaržaŭtainśpiekcyi.
Vyśvietliłasia, što achviaraj padmanu stała 73‑hadovaja minčanka. Pad pahrozaj kryminalnaha pieraśledu i praviadzieńnia vobšuku ŭ kvatery jana pieradała pasylnamu nibyta dla dekłaravańnia ŭsie svaje źbieražeńni. Hrošy kanfiskavany i buduć viernuty ŭładalnicy. Zaviedziena kryminalnaja sprava pa fakcie machlarstva.
U milicyi nahadvajuć: pamahatyja złamyśnikaŭ naroŭni ź inšymi ŭdzielnikami złačynnych schiem padlahajuć kryminalnaj adkaznaści i abaviazany kampiensavać pryčynienuju škodu.
Kamientary