Łukašenka zaklikaŭ moładź hanarycca Biełaruśsiu, bierahčy jaje niezaležnaść i suvierenitet
Kiraŭnik dziaržavy Alaksandr Łukašenka zaklikaje moładź canić i hanarycca Biełaruśsiu, bierahčy jaje niezaležnaść i suvierenitet.
Ab hetym jon zajaviŭ siońnia na sustrečy z navučencami - pieramožcami mižnarodnych pradmietnych alimpijad, tvorčych konkursaŭ i fiestyvalaŭ, stypiendyjatami śpiecyjalnych fondaŭ prezidenta Biełarusi pa sacyjalnaj padtrymcy adoranych navučencaŭ, studentami i talenavitaj moładździu.
Źviartajučysia da ŭdzielnikaŭ sustrečy, kiraŭnik dziaržavy adznačyŭ, što praź niekalki dzion skončycca navučalny hod. Jon pažadaŭ pośpiechaŭ usim tym, kamu treba budzie zdavać ekzamieny, a astatnim cikava pravieści doŭhačakanyja kanikuły. U pryvatnaści, Łukašenka paraiŭ bližej aznajomicca ź Biełaruśsiu, pahladzieć na jaje pryrodnaje charastvo.
Alaksandr Łukašenka ŭ suviazi z hetym zaŭvažyŭ, što časta byvaje ŭ roznych kutkach Biełarusi, ale ŭ asnoŭnym pieramiaščajecca pa pavietry.
«Učora ja prajechaŭ sam 600 km na ŭschod i nazad, praviarajučy našy darohi, jak jany ekspłuatujucca, i sa ździŭleńniem dla siabie adznačyŭ, što naša pryroda, kali jedzieš na aŭtamabili abo vychodziš - niejki lasok, rečka - jana zusim inšaja, čym kali hladziš na jaje źvierchu», - skazaŭ Alaksandr Łukašenka.
«Tamu ja vam raju taksama pabyvać u samych pryhožych kutkach našaj ziamli, i vy zrazumiejecie, što lepšaha adpačynku, čym na rodnaj ziamli, nidzie niama», - upeŭnieny biełaruski lidar.
«Lubicie Biełaruś, canicie jaje i hanaryciesia joju, bieražycie jaje niezaležnaść i suvierenitet. Jana pieradajecca ŭ vašy ruki. Vučyciesia zaŭvažać toje dobraje, što jość vakoł vas. Heta pasłužyć vam krynicaj natchnieńnia dla novych adkryćciaŭ i pieramoh. I niachaj pobač z vami zaŭsiody buduć nadziejnyja siabry, kłapatlivyja nastaŭniki i baćki, cikavyja i razumnyja knihi», - dadaŭ kiraŭnik dziaržavy.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič6
Kamientary