Terarysty ŭ Danbasie zajavili, što rasstralali ŭsich pałonnych nachvardziejcaŭ
Lidar danieckich terarystaŭ Ihar Bieźler zajaŭlaje, što jaho farmiravańnie zabiła ŭsich pałonnych bajcoŭ bataljona «Danbas». Pra heta jon zajaviŭ kamandziru bataljona Siamionu Siamienčanku, pra što toj raspavioŭ ŁIHABiźniesInform.
Kamandzir «Danbasa» taksama paviedamiŭ, što abmien pałonnymi z terarystami nie adbyŭsia, bo jamu telefanavaŭ padpałkoŭnik HRU Rasii Ihar Bieźler i skazaŭ, što ŭsie pałonnyja źniščany.
«Pakul nie ŭbaču ich cieł, paćvierdzić ich hibiel nie mahu», — skazaŭ Siamienčanka.
Jon taksama paviedamiŭ, što ŭ piatnicu ŭ balnicy pamior bajec dobraachvotnickaha bataljona «Danbas», jaki patrapiŭ siońnia ranicaj u zasadu ŭ rajonie v. Karłaŭka Danieckaj vobłaści.
«Z taho boku byli bujnakalibiernyja kulamioty. Padazraju, što my natyknulisia na druhi Słaviansk, jaki rychtavali pad vybary», — adznačyŭ Siamienčanka.
U toj ža čas Siamienčanka ličyć, što jaho bataljon zdradzili.
«Jak tolki bataljon «Danbas» padaŭ nadzieju na vyzvaleńnie novych rajonaŭ Danieckaj vobłaści, adbyłosia pakul nievytłumačalnaje. Choć tłumačeńnie ŭsio ž jość. «Danbas» zdradzili i infarmacyja ab ich pieramiaščeńni stała viadomaja terarystam», — skazaŭ Siamienčanka, słovy jakoha na jaho staroncy apublikavali vałanciory.
Suviaź z bataljonam pakul niedastupnaja.
Častka bajcoŭ «Danbasa» trapiła ŭ pałon abo była zabitaja. Paranienyja kala dvaccaci bajcoŭ bataljona.
Paranienyja byli adpraŭlenyja ŭ balnicu Daniecka. Pa stanie na 17:50 kala 60 sieparatystaŭ akružyli balnicu ŭ Daniecku.
Ciapier čytajuć
Chto toj chłopiec, jaki čakaŭ dziaŭčynu pad daždžom u Minsku? Vy dakładna bačyli toje ramantyčnaje videa9
Kamientary