Тэрарысты ў Данбасе заявілі, што расстралялі ўсіх палонных нацгвардзейцаў
Лідар данецкіх тэрарыстаў Ігар Безлер заяўляе, што яго фарміраванне забіла ўсіх палонных байцоў батальёна «Данбас». Пра гэта ён заявіў камандзіру батальёна Сямёну Сяменчанку, пра што той распавёў ЛIГАБiзнесIнформ.
Камандзір «Данбаса» таксама паведаміў, што абмен палоннымі з тэрарыстамі не адбыўся, бо яму тэлефанаваў падпалкоўнік ГРУ Расіі Ігар Безлер і сказаў, што ўсе палонныя знішчаны.
«Пакуль не ўбачу іх цел, пацвердзіць іх гібель не магу», — сказаў Сяменчанка.
Ён таксама паведаміў, што ў пятніцу ў бальніцы памёр баец добраахвотніцкага батальёна «Данбас», які патрапіў сёння раніцай у засаду ў раёне в. Карлаўка Данецкай вобласці.
«З таго боку былі буйнакаліберныя кулямёты. Падазраю, што мы натыкнуліся на другі Славянск, які рыхтавалі пад выбары», — адзначыў Сяменчанка.
У той жа час Сяменчанка лічыць, што яго батальён здрадзілі.
«Як толькі батальён «Данбас» падаў надзею на вызваленне новых раёнаў Данецкай вобласці, адбылося пакуль невытлумачальнае. Хоць тлумачэнне ўсё ж ёсць. «Данбас» здрадзілі і інфармацыя аб іх перамяшчэнні стала вядомая тэрарыстам», — сказаў Сяменчанка, словы якога на яго старонцы апублікавалі валанцёры.
Сувязь з батальёнам пакуль недаступная.
Частка байцоў «Данбаса» трапіла ў палон або была забітая. Параненыя каля дваццаці байцоў батальёна.
Параненыя былі адпраўленыя ў бальніцу Данецка. Па стане на 17:50 каля 60 сепаратыстаў акружылі бальніцу ў Данецку.
Цяпер чытаюць
Мама Бажэны Ярэміч, якая рыхтуе прыгажунь для Лукашэнкі, купіла элітны катэдж коштам $837 тысяч16
Каментары