U studzieni—sakaviku 2014 hoda ekspart kalijnych uhnajeńniaŭ ź Biełarusi pavialičyŭsia na 39,5% u paraŭnańni z takim ža letašnim pieryjadam, paviedamili ŭ Nacyjanalnym statystyčnym kamitecie. Nahadajem, u 2013 hodzie nazirałasia surjoznaje padzieńnie abjomu ekspartu.
Abjom ekspartu kalijnych uhnajeńniaŭ za try miesiacy hetaha hoda skłaŭ 1 młn. 332,6 tys. ton, u tym liku ŭ krainy SND — 14,5 tys. (na 29,9% mienš), u dalokaje zamiežža — 1 młn. 317,9 tys. ton (na 41,1% bolš).
Siaredniaja ekspartnaja cana za hety pieryjad źniziłasia na 28,8% da 453 dołaraŭ za tonu, u tym liku dla SND — da 334 dołaraŭ (na 47,1% mienš), krain pa-za SND — da 454 dołaraŭ (na 28,6% mienš).
Jak paviedamlałasia raniej, u sakaviku—krasaviku 2014 hoda «Biełaruśkalij» płanavaŭ ekspartavać 1,85 młn. ton kalijnych uhnajeńniaŭ. Pra heta havaryłasia ŭ spravazdačy hienieralnaha dyrektara pradpryjemstva Valeryja Kiryjenki ab svajoj deputackaj dziejnaści ŭ abłasnym saviecie deputataŭ.
Varta adznačyć, što ŭ 2013 hodzie ekspart kalijnych uhnajeńniaŭ, pavodle źviestak Nacyjanalnaha statystyčnaha kamiteta, skłaŭ 2,06 młrd. dołaraŭ i skaraciŭsia ŭ paraŭnańni z 2012 hodam amal na 600 młn. dołaraŭ. U adpaviednaści z płanami ŭrada ekspart kalijnych uhnajeńniaŭ u 2014 hodzie pavinien nablizicca da ŭzroŭniu 2012 hoda.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary