Sud Pieršamajskaha rajona Minska prysudziŭ siońnia byłeuju dyrektarku fabryki « Słodyč « Taćcianu Sielich da 3 hadoŭ pazbaŭleńnia voli ŭ kałonii ahulnaha režymu.
Pavodle prysudu eks-dyrektarka pazbaŭlajecca prava zajmać pasady, źviazanyja z arhanizacyjna-rasparadčaj dziejnaściu, terminam na 5 hadoŭ.
Jak paviedamlałasia, dziaržabvinavaŭca zapatrabavaŭ siońnia padčas sprečak pryznačyć byłoj dyrektarcy kandytarskaj fabryki «Słodyč» Taćcianie Sielich pakarańnie ŭ vyhladzie 5 hadoŭ pazbaŭleńnia voli. Prakuror zajaviŭ, što Taćciana Sielich prasłuchoŭvała pieramovy supracoŭnikaŭ praz svoj pracoŭny kamputar, da jakoha było padklučana adpaviednaje abstalavańnie. Na kamputary Sielich zachoŭvalisia aŭdyjozapisy razmovaŭ. Akramia hetaha, prakuror pieraličyŭ dokazy viny eks-dyrektarki «Słodyčy», u tym liku spasłaŭsia na pakazańni śviedak. Niekalki razoŭ jon źviarnuŭ uvahu na toje, što damovy i inšyja dakumienty, što tyčylisia madernizacyi ŭnutranaj telefonnaj suviazi na fabrycy, padpisvalisia zadnim čysłom.
Abarona i sama Sielich nie pryniali jaho arhumienty, paličyŭšy, što byłuju dyrektarku treba apraŭdać.
Ciapier čytajuć
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia17
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1616
Kamientary