Słanicha ŭ safary-parku ŭ anhlijskim hrafstvie Vusteršyr skarystałasia zhublenym iPhone i zrabiła «sełfi». Pra heta paviedamlaje The Daily Mail.
Kali adzin z naviedvalnikaŭ zaaparka Skot Brajierli fatahrafavaŭ žyvioł, siedziačy ŭ mašynie, jon vypadkova vypuściŭ telefon. Nahladčyki zapatrabavali, kab Brajierli nie vychodziŭ z aŭtamabila i praciahvaŭ ruch.
Praź niejki čas telefon jamu viarnuli. Uklučyŭšy jaho, uładalnik hadžeta byŭ ašałomleny, ubačyŭšy fatahrafii 22-hadovaj słanichi. Akazałasia, što svaim chobatam Łatabi dakranułasia da ekrana i vypadkova siabie sfatahrafavała.
Brajierli raspavioŭ, što, kali jon ź siabram prajazdžaŭ mima valjera sa słanami, jon zrabiŭ paru svaich fatahrafij z adnym z słanoŭ. «Adnak, kali ja paviarnuŭsia, ja zakranuŭ telefonam dźviery, i jon upaŭ na travu», — padzialiŭsia jon, vykazaŭšy zdahadku, što słanicha, vidać, pryniała iPhone za niešta jadomaje.
Łatabi zdoleła zrabić dva zdymki samoj siabie, jakija, mahčyma, stali pieršymi ŭ śviecie «sełfi» słana.
Pa słovach adnaho z nahladčykaŭ, mnohija hublajuć svaje telefony ŭ parku, ale ničoha padobnaha nikoli nie było.
«My ŭsie vielmi hanarymsia Łatabi», — skazaŭ jon.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary