Śledčy kamitet Rasii raspačaŭ kryminalnuju spravu suprać ministra ŭnutranych spraŭ Ukrainy Arsiena Avakava i hubiernatara Dnieprapiatroŭskaj vobłaści Ihara Kałamojskaha.
Ich padazrajuć u arhanizacyi zabojstvaŭ, užyvańni zabaronienych srodkaŭ i mietadaŭ viadzieńnia vajny, vykradańni ludziej, a taksama ŭ pieraškaddžeńniu zakonnaj dziejnaści žurnalistaŭ.
Pra heta havorycca ŭ paviedamleńni aficyjnaha pradstaŭnika SK Uładzimira Markina, apublikavanym na sajcie viedamstva.
Śledstva ličyć, što z 12 krasavika hetaha hoda Avakaŭ razam z Kałamojskim i inšymi vyšejšymi kiraŭnikami Minabarony Ukrainy arhanizavali i kiravali vajennaj apieracyjaj, nakiravanaj na zabojstva cyvilnych asob.
U joj udzielničajuć vajskoŭcy ŭzbrojenych siłaŭ krainy, členy Nachvardyi i «Pravaha siektara», a taksama bajcy bataljona śpiecaznačienija «Dniepr» MUS Ukrainy, jaki stvorany i finansujecca Kałamojskim.
U zajavie Śledčaha kamiteta, u pryvatnaści, adznačajecca, što ŭ chodzie siłavoj apieracyi, jakaja prachodzić na paŭdniovym uschodzie krainy, «zabityja bolš za 100 cyvilnych asob, u tym liku tych, chto vykonvaje słužbovuju dziejnaść — žurnalisty Karnialuk, Vałošyn i pravaabaronca Mironaŭ». Śledstva taksama miarkuje, što vykradańnie žurnalistaŭ «Źviazdy» Andreja Sušankova i Antona Małyšava było arhanizavana ź viedama Avakava i Kałamojskaha.
U bližejšy čas śledstva źbirajecca abviaścić ich u mižnarodny vyšuk jak asob, «jakija abvinavačvajucca ŭ ździajśnieńni złačynstvaŭ suprać miru i biaśpieki čałaviectva».
Kamientary