Samaabvieščanaja Łuhanskaja narodnaja respublika (ŁNR) źbirajecca ŭstupać u Mytny sajuz Biełarusi, Kazachstana i Rasii.
Pra heta zajaviŭ na pres-kanfierencyi 28 červienia kiraŭnik viarchoŭnaha savieta ŁNR Alaksiej Karakin, paviedamlaje ahienctva Interfaks-Ukraina. «My, hetak ža jak i Danieckaja narodnaja respublika, budziem ŭstupać u Mytny sajuz», — skazaŭ Karakin i padkreśliŭ, što Jeŭrasajuz dla «Łuhanskaj narodnaj respubliki» nieprymalny.
Raniej, 13 červienia, ab namiery ŭstupić u Mytny sajuz u 2015 hodzie žurnalistam paviedamiŭ vice-premjer samaabvieščanaj Danieckaj narodnaj respubliki (DNR) Andrej Purhin.
Nahadajem, u siaredzinie červienia kiraŭnictva ŁNR źviarnułasia da lideraŭ 15 krain, u tym liku da Alaksandra Łukašenki, z prośbaj pryznać jaje niezaležnaść.
U Administracyi prezidenta Biełarusi paćvierdzili: zvarot atrymany i «pieradadzieny adrasatu».
Łukašenka, miž tym, publična zajaŭlaŭ ab niezakonnaści refierendumaŭ ab niezaležnaści, jakija prajšli ŭ Łuhanskaj i Danieckaj abłaściach. Naprykład, 21 maja ŭ intervju rasijskamu telekanału «Doždž» jon, u pryvatnaści, skazaŭ: «Z punktu hledžańnia prava refierendumy ŭ Danieckaj i Łuhanskaj abłaściach Ukrainy nie majuć nijakaha značeńnia. Ja nie kažu, u jakich umovach pravodziŭsia refierendum… Luby refierendum pavinien pravodzicca na padstavie kanstytucyi».
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»3
Kamientary