U novym supiermarkiecie ŭ Śvietłahorsku abvaliŭsia navies. Piaciora paranienych FOTA
Abrušeńnie kanstrukcyi ŭ adkrytym try dni tamu supierstory «Rodnaja storona plus» zdaryłasia 30 červienia ŭ Śvietłahorsku.
Jak paviedamiŭ BiełaPAN pres-sakratar MNS Vital Navicki, zvanok u Śvietłahorski RANS pastupiŭ u 16.42, ratavalniki byli na miescy zdareńnia praz try chviliny. Abvaliŭsia hipsakardonny padviasny kazyrok dla rekłamy i padśvietki ŭnutry mahazina.
U pryjomnaje adździaleńnie miascovaj balnicy dastaŭleny piać čałaviek: dźvie žančyny i troje dziaciej. U dziaciej — rezanyja rany, udary i drapiny, u žančyn — čerapna-mazhavyja traŭmy, hiematomy i inšyja paškodžańni. Administracyja mahazina evakuiravała kala sta čałaviek.
Jak paviedamlaŭ sajt handlovaj sietki «Rodnaja storona», pieršy ŭ Homielskaj vobłaści supierstor adkryŭsia 27 červienia ŭ Śvietłahorsku pa adrasie Šasiejnaja, 1. U handlovym abjekcie płoščaj 1.800 kvadratnych mietraŭ realizujucca charčovyja i niecharčovyja tavary.
«Adkryćcio supierstora «Rodnaja Storona plus» stała doŭhačakanaj padziejaj dla ŭsiaho horada i sapraŭdnym śviatam dla ŭsioj siamji, bo kožny moh znajści sabie niešta pa dušy! My ŭpeŭnienyja, što supierstor «Rodnaja Storona plus» stanie lubimym mahazinam dla mnohich žycharoŭ Śvietłahorska!» — tak prezientavaŭ novy mahazin aficyjny sajt sietki «Rodnaja storona».
Handlovuju sietku «Rodnaja storona» raźvivaje kampanija «STAA «NTS». U sietku ŭvachodziać bolš jak 90 mahazinaŭ.
Kamientary