У новым супермаркеце ў Светлагорску абваліўся навес. Пяцёра параненых ФОТА
Абрушэнне канструкцыі ў адкрытым тры дні таму суперсторы «Родная сторона плюс» здарылася 30 чэрвеня ў Светлагорску.
Як паведаміў БелаПАН прэс-сакратар МНС Віталь Навіцкі, званок у Светлагорскі РАНС паступіў у 16.42, ратавальнікі былі на месцы здарэння праз тры хвіліны. Абваліўся гіпсакардонны падвясны казырок для рэкламы і падсветкі ўнутры магазіна.
У прыёмнае аддзяленне мясцовай бальніцы дастаўлены пяць чалавек: дзве жанчыны і трое дзяцей. У дзяцей — рэзаныя раны, удары і драпіны, у жанчын — чэрапна-мазгавыя траўмы, гематомы і іншыя пашкоджанні. Адміністрацыя магазіна эвакуіравала каля ста чалавек.
Як паведамляў сайт гандлёвай сеткі «Родная сторона», першы ў Гомельскай вобласці суперстор адкрыўся 27 чэрвеня ў Светлагорску па адрасе Шасейная, 1. У гандлёвым аб'екце плошчай 1.800 квадратных метраў рэалізуюцца харчовыя і нехарчовыя тавары.
«Адкрыццё суперстора «Родная Сторона плюс» стала доўгачаканай падзеяй для ўсяго горада і сапраўдным святам для ўсёй сям'і, бо кожны мог знайсці сабе нешта па душы! Мы ўпэўненыя, што суперстор «Родная Сторона плюс» стане любімым магазінам для многіх жыхароў Светлагорска!» — так прэзентаваў новы магазін афіцыйны сайт сеткі «Родная сторона».
Гандлёвую сетку «Родная сторона» развівае кампанія «СТАА «НТС». У сетку ўваходзяць больш як 90 магазінаў.
Цяпер чытаюць
Анжаліку Мельнікаву бачылі ў Мінску ў «Дана Моле»37
Каментары