Deputat ad ŁDPR prapanavaŭ viarnuć Rasii impierski ściah u honar stvareńnia Mytnaha sajuza
Deputat Dziarždumy RF ad ŁDPR Michaił Dziehciaroŭ padrychtavaŭ zakonaprajekt, pavodle jakoha aficyjnym ściaham Rasii moža stać čorna-žoŭta-bieły štandar.
Pra heta 16 lipienia paviedamili «Iźviestija». Na dumku palityka, dałučeńnie Kryma da Rasii, stvareńnie Mytnaha sajuza i rost patryjatyzmu pavinny znachodzić adlustravańnie ŭ dziaržaŭnych simvałach, nahadvajučy «pra słavutaje minułaje Rasijskaj impieryi».
Parłamientaryj adznačaje, što pad impierskim ściaham da Rasii byli dałučanyja paŭvostraŭ Krym i terytoryja Uschodniaj Prusii, Alaska, Kaŭkaz, Polšča, Prybałtyka, Siaredniaja Azija i Finlandyja.
«My havorym — Rasii 1152, a nie 23 hoda, simvały dziaržavy pavinny ŭvasablać jaje vialikuju historyju i vialikuju budučyniu… My pavinny viarnuć dziaržaŭny ściah, jaki adpaviadaje adradžajecca słavie dziaržavy», — zajaviŭ Dziehciaroŭ.
U rasijskim hramadstvie niama adzinaha mierkavańnia adnosna dziaržaŭnaha ściaha. Prychilniki bieła-sinie-čyrvonaha padkreślivajuć, što hety ściah staŭ aficyjnym simvałam paśla ŭkaza Piatra I u kancy XVII stahodździa.
Čorna-žoŭta-bieły ściah mieŭ de-fakta status dziaržaŭnaha simvała z 1858 pa 1896 hh., paśla padpisańnia ŭkaza Alaksandra II. Impierski ściah u ciapierašni čas karystajecca asablivaj papularnaściu siarod manarchistaŭ. Taksama jon byŭ zaŭvažany siarod prychilnikaŭ Navarosii.
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»3
Kamientary