Da hetaha zaklikaje Kanfierencyja katalickich biskupaŭ Biełarusi. «Apošnija dramatyčnyja padziei va Ukrainie źjaŭlajucca dla nas matyvam, kab źviarnucca da vas, braty i siostry, z zaklikam da dalejšaj haračaj malitvy ŭ intencyi mirnaha vyrašeńnia narastajučaha kanfliktu ŭ hetaj krainie, — havorycca ŭ zvarocie Kanfierencyi biskupaŭ. — Tamu źviartajemsia da ŭsich viernikaŭ Katalickaha Kaścioła ŭ Biełarusi, kab najbližejšyja dni byli napoŭnieny malitvaj za Ukrainu. Prosim śviataroŭ, usich viernikaŭ i ludziej dobraj voli, kab hetaja intencyja stała dla kožnaha pryjarytetnaj spravaj, a asabliva kab jana znajšła miesca ŭ ahulnaj malitvie, jakuju ŭznosim da Usiemahutnaha Boha padčas śviatych Imšaŭ.
Padtrymlivajučy ŭkrainski narod ŭ jaho zmahańni za svabodu i terytaryjalnuju niezaležnaść, vierym, što naš malitoŭny zvarot da Boha, dla jakoha niama niemahčymych rečaŭ, paspryjaje spynieńniu kanfliktnaj situacyi, pryniasie mir i zhodu i dapamoža ŭ budavańni novaha ładu va Ukrainie.
Svajoj malitvaj my achopim usich achviar bratazabojčaha kanfliktu, asabliva tych, chto biaźvinna zahinuŭ u apošnija dni, – našych bratoŭ i siaścior. Budziem malicca taksama za achviar avijakatastrofy na ŭschodzie Ukrainy.
Braty i siostry, u takoj niestabilnaj situacyi, jakaja źmianiajecca z hadziny na hadzinu, niachaj u našych siemjach, parafijach, supolnaściach nie budzie niedachopu ŭ žestach duchoŭnaj salidarnaści i jednaści z našym bratnim ukrainskim narodam», — havorycca ŭ zvarocie.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina20
Kamientary