Ideołah Łukašenki: Samaloty padajuć tady, kali heta vyhadna amierykancam
«Dziŭnym čynam na praciahu mnohich dziesiacihodździaŭ u kryzisnyja momanty, kali amerykanskamu ŭradu treba było albo pierakanać hramadzkuju dumku va ŭłasnaj krainie ŭ nieabchodnaści žorstkich zachadaŭ, albo padšturchnuć svaich nierašučych chaŭruśnikaŭ da bolš aktyŭnych dziejańniaŭ, adbyvalisia trahičnyja padziei, jakija adrazu mianiali sytuacyju»,
— piša ŭ svaim błohu «Znajomy počyrk» na sajcie BiełTA Vadzim Hihin, hałoŭny redaktar časopisu Administracyi prezydenta «Biełaruskaja dumka».
Sytuacyju praśla katafstrofy rejsu, jaki ruchaŭsia pa maršrucie Amsterdam (Niderlandy) — Kuała-Łumpur (Małajzija) Hihin apisvaje tak:
«Žudasnaja katastrofa małajzijskaha samalota, jakaja adbyłasia na Ukrainie, zrynuła ŭ šok. I vyklikała vielizarnuju kolkaść raznastajnych kamientaroŭ, pa sutnaści, novy vitok infarmacyjnaj vajny pamiž Zachadam i Rasiejaj. Zrešty, infarmacyi pa minimumu, a voś prapahandy dastatkova. (…) Nie čakajučy choć by papiarednich vynikaŭ mižnarodnaha raśśledavańnia, zachodnija lidery na samym vysokim uzroŭni abvinavacili va ŭsim Rasieju».
Dalej aŭtar pierakazvaje niekatoryja fakty ź historyi ZŠA: ad 1898 hodu da našych dzion.
Z vybranych staronak historyi ZŠA Vadzim Hihin robić vysnovu:
«Mahčyma, katastrofa małajzijskaha «Boinha» sapraŭdy vynik žachlivaj, trahičnaj pamyłki, vypadkovaści. Mahčyma … Choć usie my bačym, chto imkniecca atrymać vyhadu z hetaj biady.
I toje, što ŭpłyvovyja dziaržavy, dziaržaŭnyja dziejačy vykarystoŭvajuć hetuju trahiedyju ŭ svaich metach, u litaralnym sensie robiać palityku na trupach — zusim nie vypadkovaść, a chutčej firmovy styl, počyrk, jaki zanadta dobra znajomy. I, što samaje sumnaje, vyklučyć dalejšych pravakacyjaŭ nielha».
Kamientary