Ідэолаг Лукашэнкі: Самалёты падаюць тады, калі гэта выгадна амерыканцам
«Дзіўным чынам на працягу многіх дзесяцігодзьдзяў у крызісныя моманты, калі амэрыканскаму ўраду трэба было альбо пераканаць грамадзкую думку ва ўласнай краіне ў неабходнасьці жорсткіх захадаў, альбо падштурхнуць сваіх нерашучых хаўрусьнікаў да больш актыўных дзеяньняў, адбываліся трагічныя падзеі, якія адразу мянялі сытуацыю»,
— піша ў сваім блогу «Знаёмы почырк» на сайце БелТА Вадзім Гігін, галоўны рэдактар часопісу Адміністрацыі прэзыдэнта «Беларуская думка».
Сытуацыю прасьля катафстрофы рэйсу, які рухаўся па маршруце Амстэрдам (Нідэрлянды) — Куала-Лумпур (Малайзія) Гігін апісвае так:
«Жудасная катастрофа малайзійскага самалёта, якая адбылася на Украіне, зрынула ў шок. І выклікала велізарную колькасьць разнастайных каментароў, па сутнасьці, новы віток інфармацыйнай вайны паміж Захадам і Расеяй. Зрэшты, інфармацыі па мінімуму, а вось прапаганды дастаткова. (…) Не чакаючы хоць бы папярэдніх вынікаў міжнароднага расьсьледаваньня, заходнія лідэры на самым высокім узроўні абвінавацілі ва ўсім Расею».
Далей аўтар пераказвае некаторыя факты зь гісторыі ЗША: ад 1898 году да нашых дзён.
З выбраных старонак гісторыі ЗША Вадзім Гігін робіць выснову:
«Магчыма, катастрофа малайзійскага «Боінга» сапраўды вынік жахлівай, трагічнай памылкі, выпадковасьці. Магчыма … Хоць усе мы бачым, хто імкнецца атрымаць выгаду з гэтай бяды.
І тое, што ўплывовыя дзяржавы, дзяржаўныя дзеячы выкарыстоўваюць гэтую трагедыю ў сваіх мэтах, у літаральным сэнсе робяць палітыку на трупах — зусім не выпадковасьць, а хутчэй фірмовы стыль, почырк, які занадта добра знаёмы. І, што самае сумнае, выключыць далейшых правакацыяў нельга».
Цяпер чытаюць
У загінулай у Сляпянцы дзяўчыне апазналі Яну Кастранкову2
Каментары