Zamiest «nieviadomych čyrvonaarmiejcaŭ» — siaredniaviečnyja biełarusy FOTY
U Vaŭkavysku skončylisia raskopki rańniechryścijanskaha mohilniku XIII—XV stst.
Raskopki na poŭdni Haradzienščyny vyjavili pachavańni časoŭ Vialikaha Kniastva: škilety ŭ supravadžeńni niachitraha skarbu — kieramiki, skronievych kolcaŭ, fibułaŭ dy kresivaŭ.
«Sam mohilnik byŭ vyjaŭleny kurjoznym čynam, — raspaviadaje kiraŭnik raskopak archieołah Hienadź Siemiančuk, jaki pachodzić z Vaŭkavysku, — hodzie ŭ 2005-m ja zaŭvažyŭ tut jamy i vyrašyŭ, što heta čornyja archieołahi. Pacikavaŭ paru dzion, ale nichto nie pryjšoŭ. Paśla tolki vyjaviłasia, što heta spravy pošukavaha bataljona…»
Bataljon papracavaŭ «plonna»: 56 siaredniaviečnych škiletaŭ byli pachavanyja va ŭročyščy Parachaŭnia jak nieviadomyja žaŭniery Druhoj suvietnaj, niahledziačy na toje, što Šviedskaja i Zamkavaja hory ŭ Vaŭkavysku źjaŭlajucca archieałahičnymi pomnikami i achoŭvajucca dziaržavaj. Voś takoje «recha vajny».
Sioletnija raskopki ažyćciaŭlajucca sumiesnymi vysiłkami Haradzienskaha ŭniviersitetu dy historyka-archieałahičnaha muzieju z horada nad Niomanam. Studenty-pieršakurśniki takim čynam prachodziać archieałahičnuju praktyku ŭ supravadžeńni starejšych «śpiecoŭ». Naohuł, na Haradzienščynie hetym letam raskopki taksama pravodziacca na haradziščy Bierazaviec, što na Kareliččynie, dy ŭ Lubčanskim zamku.
Napieradzie — apracoŭka zdabytaha ŭ Vaŭkavysku materyjału.
Sa słovaŭ Hienadzia Siemienčuka, Polskaja akademija navuk imavierna dapamoža z analizam DNK škiletaŭ.
Takim čynam možna budzie vyjavić kreŭnyja suviazi — bratoŭ, siostraŭ, baćkoŭ i dziaciej.
A ŭvosień ŭ supracy z antrapołahami z Połackaha ŭniviersiteta možna budzie zrabić vysnovy pra ŭzrost, poł, chvaroby i vyhlad pachavanych tut ludziej.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami23
Kamientary