Rasspažyŭnahlad z 15 žniŭnia 2014 hoda prypyniaje ŭvoz ałkaholu z terytoryi Ukrainy.
Pra heta paviedamlaje pres-słužba rasijskaha viedamstva.
Jak adznačajecca, pry ažyćciaŭleńni dziaržaŭnaha nahladu za abarotam charčovaj pradukcyi pry daśledavańni harełki, piva i piŭnych napojaŭ vytvorčaści Ukrainy vyjaŭleny nieadnarazovyja parušeńni patrabavańniaŭ zakanadaŭstva ŭ halinie abarony pravoŭ spažyŭcoŭ:
— Piva vytvorčaści PAT «Abałoń» nie adpaviadała patrabavańniam pa enierhietyčnaj kaštoŭnaści i arhanaleptyčnych pakazčykach;
— U piŭnoha napoju vytvorčaści PAT «San InbievUkraina» vyjaŭlena nieadpaviednaść narmatyŭnym patrabavańniam, što pradjaŭlajucca da markiroŭki pradukcyi;
— Śpirtnyja napoi vytvorčaści TAA «Ukrainskaja dystrybucyjnaja kampanija» nie adpaviadali pa abjomnaj doli śpirtu i arhanaleptyčnych pakazčykach.
«Usie łabaratornyja daśledavańni pravodzilisia vyprabavalnymi łabaratornymi centrami, akredytavanymi ŭ rasijskaj i mižnarodnaj sistemie akredytacyi», — havorycca ŭ paviedamleńni.
Taksama adznačajecca, što ŭ metach zabieśpiačeńnia pravoŭ spažyŭcoŭ Rasspažyŭnahlad prypyniaje z 15 žniŭnia 2014 ŭvoz na terytoryju Rasijskaj Fiederacyi śpirtnych napojaŭ, piva i piŭnych napojaŭ nazvanych vytvorcaŭ.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary