Na elektronnyja tarhi na placoŭcy «IPM-Kansałt acenka» vystavili niezvyčajny łot — pasažyrski vahon niamieckaj vytvorčaści Görlitz typu Ammendorf (madel 47K), jaki byŭ pieraabstalavany ŭ vahon-sałon, piša Office Life.
Abjekt 1991 hoda vypusku znachodzicca ŭ Minsku, niepasredna na puciach stancyi Minsk-Pasažyrski kala Pryvakzalnaj płoščy. Jaho startavy košt składaje 750 tysiač rubloŭ.
Kab pryniać udzieł u tarhach, patencyjnym udzielnikam nieabchodna ŭnieści zadatak u pamiery 37,5 tysiačy rubloŭ. Krok aŭkcyjonu taksama składzie 37,5 tysiačy rubloŭ ad cany.
Budučamu ŭładalniku varta ŭličyć: spraŭnaść vuzłoŭ i abstalavańnia nichto nie praviaraŭ, a vyvozić vahon sa stancyi daviadziecca za ŭłasny košt.
Elektronnyja tarhi adbuducca 28 lipienia. Padać zajaŭku na ŭdzieł možna da 17:00 27 lipienia. Pieramožcu daduć 10 rabočych dzion na toje, kab zabrać nabyty vahon i padpisać dahavor, a raźličycca nieabchodna na praciahu piaci dzion paśla padpisańnia dakumientaŭ.
Kamientary