Pasolstva ZŠA ŭ Minsku pašyraje vizavyja pasłuhi dla hramadzian, jakija źviartajucca za praciaham/abnaŭleńniem viz, što vydajucca na asnovie ŭchvalenaj pietycyi.
Jak adznačajecca ŭ raspaŭsiudžanaj 22 žniŭnia zajavie pasolstva, 8 vieraśnia pačniecca pryjom zvarotaŭ na praciah/abnaŭleńnie nieimihracyjnych viz katehoryj H (časovaje pracaŭładkavańnie), L (pieravod u miežach adnoj kampanii), O (asoby z vydatnymi zdolnaściami), P (spartsmieny, artysty, dziejačy mastactvaŭ) i R (relihijnyja dziejačy).
Dla zvarotu za praciaham/abnaŭleńniem viz u nazvanych katehoryjach zajaŭniki pavinny pracavać na taho ž rabotadaŭcu i mieć papiaredniuju vizu toj ža katehoryi, z momantu zakančeńnia dziejańnia jakoj prajšło nie bolš čym 12 miesiacaŭ.
Tyja, što źviartajucca paŭtorna pa vizy katehoryj H, L, P, O i R u Minsku, pavinny kiravacca standartnaj praceduraj zvarotu pa nieimihracyjnyja vizy.
Z samoj praceduraj možna aznajomicca na sajcie pasolstva pa adrasie.
Tyja, što źviartajucca pa vizy katehoryj F, M, i J, hramadzianie 70 hadoŭ i starej, a taksama inšyja katehoryi hramadzian, ukazanyja na sajcie pasolstva, pa-raniejšamu zmohuć źviartacca pa vizy ŭ Minsku.
Usie inšyja hramadzianie, jakija nie traplajuć pad pieraličanyja vyšej katehoryi hramadzian i viz, pavinny i dalej źviartacca pa vizy ŭ pasolstvy ZŠA ŭ susiednich krainach.
«Pasolstva ZŠA ŭ Minsku razhledzić inšyja katehoryi na pradmiet pašyreńnia akazańnia vizavych pasłuh u budučyni», — adznačajecca ŭ zajavie dyppradstaŭnictva.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła10
Kamientary