Hienieralny sakratar NATO abvinavaciŭ Rasiju ŭ tym, što jana praciahvaje destabilizacyju abstanoŭki va Ukrainie
Hienieralny sakratar NATO Anders Foh Rasmusen abvinavaciŭ Rasiju ŭ tym, što jana praciahvaje destabilizacyju abstanoŭki na ŭschodzie Ukrainy.
Pra heta jon zajaviŭ ŭ Ńjuparcie (Uels), dzie adkryvajecca samit Paŭnočnaatłantyčnaha aljansu.
«Pa-pieršaje, z nahody tak zvanaha mirnaha płana. Dazvolcie mnie padkreślić, što my vitajem usie sproby znajści mirnaje rašeńnie kanfliktu va Ukrainie, — padkreśliŭ hienieralny sakratar. — Skazaŭšy heta, ja taksama pavinien skazać, što na samoj spravie maje značeńnie toje, što adbyvajecca na miescy? na žal, my da hetaha času bačym, što Rasija praciahvaje destabilizavać situacyju na ŭschodzie Ukrainy».
«My praciahvajem zaklikać Rasiju advieści svaje vojski ad miežaŭ Ukrainy, spynić patok zbroi i bajcoŭ va Ukrainu, spynić padtrymku ŭzbrojenych bajevikoŭ va Ukrainie i pryniać udzieł u kanstruktyŭnym palityčnym pracesie», — zajaviŭ Rasmusen.
Razam z tym jon padkreśliŭ, što palityčnyja i dypłamatyčnyja kanały NATO dla padtrymki ŭzajemaadnosin z Rasijaj zastajucca adkrytymi.
Rasija parušyła fundamientalnyja pałažeńni pahadnieńnia z NATO, tym nie mienš, my praciahvajem padtrymlivać zasnavanuju na ich architekturu biaśpieki ŭ Jeŭropie, - padkreśliŭ jon. - Da hetaha času hetaja struktura hruntavałasia na adnosinach Rasii i NATO, jakija majuć asablivaje značeńnie. Sapraŭdy, my vyrašyli prypynić usie praktyčnyja prahramy supracoŭnictva pamiž NATO i Rasijaj, adnak palityčnyja i dypłamatyčnyja kanały NATO zastajucca adkrytymi dla ŭzajemadziejańnia z Rasijaj».
Što tyčycca supracoŭnictva z Ukrainaj, to, jak skazaŭ hienieralny sakratar, «my abmiarkujem hetyja pytańni siońnia na sustrečy z prezidentam Parašenkam» dla pryniaćcia sumiesnaj dekłaracyi z metaj umacavańnia dvuchbakovych suviaziaŭ pamiž NATO i Kijevam.
-
Jeŭrakamisija pradstaviła prapanovy pa 20‑m pakiecie sankcyj suprać Rasii. Jaho majuć pryniać da hadaviny vajny
-
U Pakistanie ździejśnili terakt u miačeci, zahinuli bolš za 30 čałaviek
-
Hienierał Alaksiejeŭ, u jakoha siońnia stralali ŭ Maskvie, datyčny da katavańnia abaroncaŭ «Azoŭstali». Prakapienka: Spravu daviadziom da kanca
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni42
Kamientary