Uruhvajskaja śpiavačka i aktrysa Natalija Arejra naviedaje Biełaruś užo ŭ hetym hodzie. Zorka mylnych opier vyjdzie na scenu Pałaca sportu 14 śniežnia, kab vykanać svaje staryja i novyja pieśni, a taksama dadać łacinaamierykanskaj pałkaści ŭ śniežański Minsk.
Za akijanam Natalija Arejra stała viadomaj dziakujučy hałoŭnym žanočym rolach u arhientynskich sieryjałach «Bahatyja i znakamityja» i «Dziki anioł». U Rasii dziejničajuć dziasiatki fan-kłubaŭ Natalii, udzielniki jakich aktyŭna sočać za tvorčym žyćciom lubimaj aktrysy. U Biełarusi taksama jość supolnaść prychilnikaŭ 37-hadovaj zorki.
Muzyčnaja dziejnaść Arejra atrymała nie mienšuju słavu, čym akciorskaja. Jana vypuściła 3 albomy, adzin sinhł, napisała mnostva saŭndtrekaŭ da filmaŭ i sieryjałaŭ. Dyski Arejra byli pradadzienyja pa ŭsim śviecie miljonnymi nakładami.
U minułym hodzie vystup Natalii Arejra adbyŭsia ŭ Maskvie. Pieršapačatkova arhanizatary zapłanavali tolki adno šou. Adnak adrazu ž paśla anonsu prychilniki rynulisia raskuplać kvitki, i ŭsim žadajučym ich nie chapiła. U vyniku ŭlubionka publiki dała ažno try kancerty zapar, dva ŭ Maskvie i adzin u Sankt-Pieciarburhu. La hatelaŭ, dzie Naci spyniłasia sa svajoj siamjoj, kruhłasutačna dziažuryli fanaty. Na samim šou prychilniki zładzili fłeš-mob: apranulisia ŭ čyrvonyja kiepki nabakir, jak hierainia Miłahras, jakuju hrała Arejra ŭ sieryjale «Dziki anioł».
8 faktaŭ pra Nataliju Arejra:
- Pieršaja hałoŭnaja rola ŭ kino — u karcinie «Bahatyja i znakamityja» (1998).
- Aktrysa źjaŭlajecca pasłom dobraj voli JUNISIEF u Arhiencinie i Uruhvai.
- Razam sa starejšaj siastroj Adryjanaj aktorka vypuskaje vopratku pad markaj Las Oreiro. Na siońniašni dzień u Arhiencinie adkryta ŭžo niekalki bucikaŭ hetaj marki, płanujecca adkryćcio ŭ Rasii i Izraili.
- Natalija zamužam za rok-muzykam Rykarda Molja. Ich syna kličuć Mierlin, jamu amal 3 hady. Zorka ŭžo nie raz brała jaho z saboj na hastroli.
- Apošni čas aktrysa pryśviaciła zdymkam u novym sieryjale «Tolki ty», jaki zdymaŭsia hod.
- Nataliju Arejra aficyjna pryznačyli «chrosnaj maci» zbornaj Uruhvaja. Arejra supravadžaje futbalistaŭ u pajezdkach, a časam navat ładzić šou pierad važnymi matčami.
- Aktrysa vialikuju ŭvahu nadaje svajmu zdaroŭju i prytrymlivajecca małočna-viehietaryjanskaj dyjety.
Kamientary