Biełaruś raźličvaje mieć vyhadu ad Venesueły na toj ža asnovie, što i Kuba ciapier. Ambitny papulist Čaves maryć adyhryvać značnuju rolu ŭ suśvietnaj palitycy i dziela taho hatovy finansavać biednyja krainy, što ŭchvalajuć jahonuju palityku.
6 śniežnia pačynajecca aficyjny vizyt Alaksandra Łukašenki ŭ Venesuełu.
Na pieramovach Alaksandra Łukašenki z Uho Čavesam, jak čakajecca, budzie abmiarkoŭvacca ŭvieś spektar supracoŭnictva pamiž Biełaruśsiu i Venesuełaj. Ab hetym BIEŁTA paviedamili ŭ pres-słužbie A. Łukašenki.
Planujecca, što ŭ Karakasie budzie padpisany šerah sumiesnych dakumentaŭ.
Biełaruś raźličvaje mieć vyhadu ad Venesueły na toj ža asnovie, što i Kuba ciapier. Ambitny papulist Čaves maryć adyhryvać značnuju rolu ŭ suśvietnaj palitycy i dziela taho hatovy finansavać biednyja krainy, što ŭchvalajuć jahonuju palityku.
U časie vizytu ŭ Karakas A. Łukašenka voźmie ŭdzieł u cyrymonii adkryćcia Nacyjanalnaj vystaŭki Biełarusi ŭ Venesuele. Tudy vypraviłasia vializnaja biełaruskaja delehacyja ŭ składzie 300 čałaviek. Siarod ich — śpiavačka Iryna Darafiejeva, što maje zabaŭlać vysokich haściej.
Čaves užo pabyvaŭ u Biełarusi z aficyjnym vizytam.
U 2006 hodzie prezydenty Biełarusi i Venesueły pryniali rašeńnie ab stvareńni stratehičnaha aljansu.
Venesueła zajmaje pieršaje miesca ŭ Łacinskaj Amerycy pa dakazanych zapasach nafty i 7-je miesca ŭ śviecie pa zdabyčy nafty. U basejnie raki Arynoka jość taksama vialikija hazavyja radoviščy.
Čaves paabiacaŭ Biełarusi dziaržańnie naftavaha radovišča, na jakim možna zdabyvać da 2 młn ton nafty ŭ hod — heta stolki sama, kolki zdabyvajecca ŭ našaj krainie na ŭsich radoviščach Prypiackaha basejnu razam uziatych. Udzieł Łukašenki ŭ adkryćci zdabyčy maje stać kulminacyjaj vizytu.
Chod pajezdki azmročany parazaj Čavesa na nacyjanalnym referendumie ŭ minułuju niadzielu. Venesuelcy prahałasavali suprać uniasieńnia źmienaŭ u Kanstytucyju, zhodna ź jakimi Čaves moh by znachodzicca na čale krainy nieabmiežavanuju kolkaść terminaŭ. Nie dapamahło navat toje. što kanstytucyjnyja pieramieny išli ŭ adnym pakiecie z zakonam ab źmianšeńni pracoŭnaha tydnia.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary