Padpisana pahadnieńnie ab admienie viz pamiž Biełaruśsiu i Izrailem
U Minsku padpisana pahadnieńnie ab admienie viz pamiž Biełaruśsiu i Izrailem. Dakumient padpisali 19 vieraśnia ministr zamiežnych spraŭ Biełarusi Uładzimir Makiej i ministr absorbcyi Izraila Sofa Łandvier.
Uładzimir Makiej nazvaŭ padpisanaje pahadnieńnie histaryčnym dakumientam i padkreśliŭ, što była praviedziena «aktyŭnaja praca mnohimi dziaržorhanami dźviuch krain». «Udziačny izrailskim partnioram, što jany, jak i my, praviali kałasalnuju pracu», — skazaŭ biełaruski ministr.
Jon zaznačyŭ, što, zhodna z dakumientam, hramadzianie Biełarusi i Izraila atrymajuć mahčymaść znachodzicca na terytoryi dźviuch krain da 90 dzion na praciahu paŭhoda bieź vizy. Pavodle słoŭ Makieja, admiena viz pasłužyć stymułam dla raźvićcia kantaktu pamiž biźniesmienami, dziejačami kultury i prostymi hramadzianami. «Surjozny vybuch aktyŭnaści možna budzie nazirać i ŭ śfiery turyzmu, — skazaŭ jon. — U nas pramyja avijaznosiny, tak što nie budzie prablemaj navat na vychadnyja naviedać tyja miaściny, jakija padabajucca hramadzianam Izraila ci Biełarusi».
Pavodle słoŭ Makieja, siońniašniaje pahadnieńnie źjaŭlajecca «vialikim kamieniem u i tak užo salidny fundamient supracoŭnictva» pamiž dźviuma krainami.
Dakumient nabudzie moc praz 90 dzion.
-
Na ŭradavym partale Polščy źjavicca sajt dla biełarusaŭ na biełaruskaj movie
-
Byłuju biełaruskuju žurnalistku z prytułkam u Čechii abvinavacili ŭ pracy na rasijskuju raźviedku
-
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka15
Kamientary