Dziesiać aktyvistaŭ dałučylisia ŭ Minsku da hłabalnaj akcyi «Narodny klimatyčny marš».
Napiaredadni čarhovaha samitu pa pytańniach klimatu, jaki adbudziecca 23 vieraśnia ŭ Ńju-Jorku pad ehidaj AAN, mižnarodnaje ekałahičnaje tavarystva Avaaz zaklikała nieabyjakavych hramadzian pa ŭsim śviecie pravieści ŭ centry svaich haradoŭ publičnuju akcyju z metaj pryciahnuć uvahu palitykaŭ da prablemy niehatyŭnych źmien klimatu na płaniecie.
U 13.00 na Kastryčnickaj płoščy Mienska sabrałasia kala dziasiatka aktyvistaŭ, jakija abaznačyli svajo dačynieńnie da hłabalnaj akcyi elemientami adzieńnia zialonaha koleru i zialonymi pavietranymi šarami.
Praz prykładna 15 chvilin da prysutnych padyšli dvoje supracoŭnikaŭ milicyi i paraili aktyvistam «iści ratavać płanietu kudy-niebudź u park».
Praz prykładna 10 chvilin udzielniki akcyi z transparantami pra važnaść klimatyčnych prablem prajšli vakoł Kastryčnickaj płoščy i razyšlisia.
Kamientujučy BiełaPAN hetuju akcyju, namieśnik staršyni Biełaruskaj partyi «Zialonyja» Dźmitryj Kučuk adznačyŭ: «I heta niakiepska, uličvajučy, što akcyja była niesankcyjanavanaja ŭładami». Jon źviarnuŭ uvahu na toje, što pradstaŭniki Biełarusi buduć udzielničać u ńju-jorkskim samicie pa pytańniach klimatu. Dałučeńnie biełarusaŭ da hłabalnaha «Narodnaha klimatyčnaha maršu» daść zrazumieć, što biełaruskaja hramadskaść prajaŭlaje cikavaść da klimatyčnych prablemach, skazaŭ Dźmitryj Kučuk.
Kamientary