Adkryvajučy siońnia pasiadžeńnie Savieta kiraŭnikoŭ dziaržaŭ SND, Alaksandr Łukašenka zaklikaŭ kanfliktujučyja va Ukrainie baki spynić krovapralićcie i vykanać minskija damoŭlenaści.
«Absalutna niedapuščalnaja situacyja, kali tut, u nas, praktyčna ŭ centry Jeŭropy, viaducca bajavyja dziejańni. Spadziajusia, što ŭsie padtrymajuć majo mierkavańnie ab nieabchodnaści chutčejšaha spynieńnia sutyknieńniaŭ na paŭdniovym uschodzie Ukrainy. Bakam kanfliktu nieabchodna znajści nie prosta ahulnyja padychody, a spynić krovapralićcie i vykanać tyja damoŭlenaści, jakija byli dasiahnuty tut, u Minsku», — skazaŭ Łukašenka.
«Usie sprečnyja pytańni treba vyrašać tolki mirnym šlacham, nielha dazvolić dalej licca kryvi našaha bratniaha naroda Mienavita tamu Minsk staŭ pieramoŭnaj placoŭkaj dla kanfliktujučych bakoŭ, i byccam by my zmahli na hetym šlachu niečaha dasiahnuć», — padkreśliŭ jon.
Pavodle słoŭ Łukašenki, ciapier «važna ŭśviedamlać, što Ukraina — heta nie prosta łakalny ačah bitvaŭ».
«Bajavyja dziejańni niepasredna ŭpłyvajuć na biaśpieku i padryvajuć ekanamičnaje raźvićcio jak Ukrainy, tak i ŭsiaho postsavieckaha rehijonu ŭ cełym. Skažu ščyra, heta nie tolki moj punkt hledžańnia. My pavinny ŭ ramkach SND bolš uvahi nadavać hetym prablemam. Bo kudy ŭžo dalej, kali vajna idzie na terytoryi adnaho z našych partnioraŭ», — skazaŭ biełaruski kiraŭnik.
Pry hetym jon ličyć niedapuščalnym, kali pytańni, jakija tyčacca Ukrainy, «vyrašajucca niedzie daloka — ci to ŭ Bierlinie, ci to ŭ Miłanie».
«Tady pytańnie, čaho da nas źviartacca pa inšych pytańniach — ekanamičnych, palityčnych, dypłamatyčnych. Treba, napeŭna, ich vyrašać tam — u Bierlinie ci Miłanie», — zajaviŭ Alaksandr Łukašenka.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary