Pamočnik prezidenta pa ekanamičnych pytańniach Kirył Rudy ličyć zarpłatu ŭ 3000 dołaraŭ ZŠA dastojnaj dla biełarusaŭ. Takuju dumku jon vykazaŭ 16 kastryčnika na sustrečy sa studenckim aktyvam Biełaruskaha dziaržaŭnaha ŭniviersiteta.
Adkazvajučy na pytańnie dekana fakulteta mižnarodnych adnosin BDU ab tym, kolki treba hrošaj dla ščaścia i jaki racyjanalny dastatak dla Biełarusi, Kirył Rudy zaznačyŭ, što ŭzrovień zarpłaty nieabchodna paraŭnoŭvać z maštabam cen.
«Kali my havorym ab praduktach charčavańnia, spažyvieckim košyku, rečach, jakija my chočam kupić, to zarpłata ŭ rajonie 3000 dołaraŭ — dastojnaja zarpłata… zaraz skažu kaho», — zadumaŭsia Kirył Rudy. Reahujučy na śmiech u zale i źviartajučysia da prysutnaha na sustrečy rektara BDU Siarhieja Abłamiejki, pamočnik prezidenta dadaŭ: «Mnie zdajecca, Siarhieju Uładzimiraviču, jak rektaru i jak akademiku, hetaha mała».
Adkazvajučy na pytańni studentaŭ, Kirył Rudy taksama zaznačyŭ, što paśla pierachodu ź biźniesu na dziaržsłužbu jaho zarabotnaja płata źniziłasia ŭ razy. U suviazi z hetym jon uspomniŭ epizod padčas adnoj z narad, jakaja prajšła praz 2-3 miesiacy paśla jaho prychodu na pasadu pamočnika kiraŭnika dziaržavy.
«Prezident mianie padniaŭ i skazaŭ: U nas jość małady čałaviek, jaki pracavaŭ u biźniesie, źjechaŭ z hłuzdu i pryjšoŭ da nas. Čaho vy da nas pryjšli? Ja adkazaŭ: Vy viedajecie, cikava. Tak, u zarpłacie ja straciŭ, hruba kažučy, u piać razoŭ, ale zatoje mnie cikava hetym zajmacca», — padkreśliŭ Kirył Rudy.
Kirył Rudy byŭ pryznačany pamočnikam prezidenta pa ekanamičnych pytańniach letam 2013 hoda. Da pryznačeńnia zajmaŭ pasadu namieśnika hienieralnaha dyrektara TAA «Bieł Chuavej Tiechnoładžys».
U žniŭni siaredniaja zarpłata ŭ Biełarusi skłała 6,36 młn rublej. Pry hetym siaredniaja zarpłata ŭ 12.087 arhanizacyjach składała mienš za 5 młn biełaruskich rubloŭ (kala 500 dołaraŭ u ekvivalencie). U nazvanych arhanizacyjach pracujuć, zhodna z aficyjnymi źviestkami, 1,27 młn čałaviek. Śpiskavaja kolkaść rabotnikaŭ usich jurydyčnych asob, jakuju ŭličvaje aficyjnaja statystyka, składała ŭ žniŭni 3,21 młn čałaviek. Takim čynam, zarpłatu mienšuju za 5 młn biełaruskich rubloŭ u žniŭni atrymlivali amal 40% rabotnikaŭ.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary