U Kamianieckim rajonie Bresckaj vobłaści supracoŭnikam DAI daviałosia spyniać pjanaha kiroŭcu strełami pa kołach aŭtamabila.
Jak paviedamiŭ načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, incydent adbyŭsia 27 kastryčnika. U 13.15 u dziažurnuju čaść Kamianieckaha RAUS patelefanavaŭ hramadzianin i skazaŭ, što ŭ napramku Kamianca ruchajecca aŭtamabil «Chonda-Cyvik», jakim kiruje niećviarozy kiroŭca.
Supracoŭniki DAI znajšli zhadany aŭtamabil na aŭtadarozie stancyja Vysoka-Litoŭsk — Viarchovičy — Kalenkavičy — Kamianiec i padali jaho kiroŭcu sihnał ab spynieńni. Praihnaravaŭšy jaho, aŭtamabilist sprabavaŭ uciačy, nanosiačy škodu pa šlachu darožnym znakam i aharodžy. Kab nie dapuścić ujezdu «Chondy» ŭ rajcentr, supracoŭniki DAI pryniali rašeńnie vykarystać tabielnuju zbroju. Pakolki try papieradžalnyja streły ŭ pavietra kiroŭcu nie spynili, supracoŭnikam DAI daviałosia stralać pa kołach aŭtamabila. U vyniku niepadalok ad Kamianca jon byŭ zatrymany.
Za rulom znachodziŭsia 31-hadovy miascovy žychar. Miedycynski ahlad vyjaviŭ, što kancentracyja ałkaholu ŭ parach vydychanaha im pavietra składaje 2,7 pramile. U dačynieńni da parušalnika składzieny šeść administracyjnych pratakołaŭ, u tym liku za kiravańnie aŭtamabilem u stanie ałkaholnaha apjanieńnia, a taksama za nievykanańnie patrabavańnia ab spynieńni transpartnaha srodku. Aŭtamabil dastaŭleny na štrafstajanku.
Jak zaznačyła Sacharčuk, z pačatku hetaha hoda na darohach Bresckaj vobłaści było zatrymana 4.785 niećviarozych kiroŭcaŭ.
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla9
Kamientary