Były premjer Kazachstana Sieryk Achmietaŭ uziaty pad chatni aryšt, paviedamlaje Tengrinews.kz sa spasyłkaj na pres-słužbu Ahienctva pa spravach dziaržaŭnaj słužby i supraćdziejańni karupcyi.
«Antykarupcyjnaj słužbaj rasśledujecca šerah ciažkich karupcyjnych kryminalnych spraŭ u dačynieńni da byłych kiraŭnikoŭ Karahandzinskaj vobłaści i horada Karahandy. U ramkach rasśledavanych praŭ taksama pradjaŭlenaje abvinavačvańnie Sieryku Achmietavu i ŭ dačynieńni da jaho sudom rajona Karahandy sankcyjanavanaja miera strymańnia — chatni aryšt», - havorycca ŭ paviedamleńni.
Astatniaja infarmacyja ŭ intaresach śledstva nie vydajecca.
***
Sieryk Achmietaŭ syšoŭ u adstaŭku z pasady ministra abarony 22 rastryčnika hetaha hoda pa ŭłasnym žadańni.
Svaju pracoŭnuju dziejnaść jon pačynaŭ u Karahandzinskaj vobłaści. Byŭ akimam Ciemirtau i akimam Karahandzinskaj vobłaści.
U 2011 hodzie pryznačany pieršym namieśnikam premjer-ministra Kazachstana, a ŭ 2012 hodzie ŭznačaliŭ kabiniet ministraŭ. U 2014 hodzie Sieryk Achmietaŭ byŭ pryznačany na pasadu ministra abarony Kazachstana i adpracavaŭ na hetaj pasadzie paŭhoda.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary