U kasacyjnaj skarzie jon poŭnaściu admaŭlaje svaju vinu, pryznańnie, zroblenaje padčas suda.
Pavodle jaje słoŭ, A.Fińkievič u kasacyjnaj skarzie poŭnaściu admaŭlaje svaju vinu, pryznańnie, zroblenaje im padčas suda, i ličyć asudžeńnie niezakonnym. Svaje dziejańni na sudzie jon tłumačyć tym, što ŭ toj momant byŭ u drennym fizičnym i psichałahičnym stanie i nie moh adekvatna reahavać na chod pracesu, bo znachodziŭsia pad uździejańniem lekaŭ.
Kasacyjnaja skarha pavinna być razhledžana Mahiloŭskim abłasnym sudom u miesiačny termin. Uvieś hety čas A.Fińkievič budzie znachodzicca ŭ śledčym izalatary.
Nahadajem, 20 śniežnia A.Fińkievič, adzin ź lideraŭ niezarehistravanaj arhanizacyi «Małady front», byŭ pryhavorany da 1,5 hoda pazbaŭleńnia voli z adbyvańniem pakarańnia ŭ kałonii ahulnaha režymu. Takoje rašeńnie vynies sud Kastryčnickaha rajona Mahilova, pryznaŭšy A.Fińkieviča vinavatym va ŭčynieńni złačynstva, praduhledžanaha art. 415 Kryminalnaha kodeksa (uchileńnie ad adbyvańnia pakarańnia ŭ vyhladzie abmiežavańnia voli).
A.Fińkievič byŭ zatrymany ŭ Minsku nočču 30 studzienia 2006 hoda za naniasieńnie na ścianu nadpisu «My chočam novaha!». 10 maja 2006 hoda sud Pieršamajskaha rajona Minska pryznaŭ jaho vinavatym u złačynstvie, praduhledžanym č. 2 art. 339 Kryminalnaha kodeksa (złosnaje chulihanstva), i pryhavaryŭ da dvuch hadoŭ abmiežavańnia voli. Maładziožny aktyvist adbyvaŭ pakarańnie ŭ papraŭčaj ustanovie adkrytaha typu № 43 Mahilova. 7 červienia 2007 hoda jamu było admoŭlena va ŭmoŭna‑daterminovym vyzvaleńni.
30 kastryčnika stała viadoma, što A.Fińkieviču vystaŭlena novaje abvinavačańnie — na padstavie art. 415 KK. Matyvam była vialikaja kolkaść administracyjnych spahnańniaŭ nibyta za parušeńnie režymu. Zhodna z hetym artykułam praduhledžana pakarańnie ŭ vyhladzie pazbaŭleńnia voli terminam da troch hadoŭ.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary