Rasija abmiarkoŭvaje zajavu Tkačova: «My ž usie plaskali ŭ dałoni, my ž usie kazali, što vydatna, Krym naš»
Z važnym tezisam vystupiŭ 17 śniežnia hubiernatar Krasnadarskaha kraja Alaksandr Tkačoŭ, viadomy svaimi ščyrymi vykazvańniami («Što, treba było kožnaha abyści?» — ab dziejańniach ułady padčas pavodki ŭ Krymsku).
Tkačoŭ pieršym z rasijskich aficyjnych asobaŭ źviazaŭ dałučeńnie Kryma i ekanamičny kryzis u Rasiei: «My bačym plon našych zavajoŭ, palityčnych pieramoh našaj krainy. Heta raspłata, cana pytańnia, jakuju i ekanomika, i žychary kraju i krainy rana ci pozna pavinny byli padzialić z prezidentam, z uradam, z krainaj <…> My ž usie plaskali ŭ dałoni, my ž usie kazali, što vydatna, Krym naš. Značyć, my pavinny padzialić nie tolki hetuju adkaznaść, ale i hetuju nošu, hetyja straty», — skazaŭ Tkačoŭ.
«Hałoŭnyja idei hetaha pryznańnia takija, — tłumačyć rasijskaja hazieta «Viedomosti», — 1) košt Kryma akazaŭsia značna bolšy, čym raźličvali ŭ Rasii; 2) prezident i ŭrad važniejšyja za ekanomiku; 3) hramadzianie pavinny panieści adkaznaść za rašeńni prezidenta, bo padtrymali dałučeńnie Kryma».
Materyjały z abmierkavańniem zajavy Tkačova stali samymi čytanymi i na sajcie rasijskaha niezaležnaha radyjo «Echo Moskvy».
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava12
Kamientary