Vyjšaŭ na volu palitviazień Eduard Łobaŭ FOTAREPARTAŽ SIARHIEJA HUDZILINA

Eduard Łobaŭ vyjšaŭ na volu z kałonii «Voŭčyja nory» ŭ Ivacevičach kala 8:15 siońnia, 18 śniežnia.

Pavialičyć

Jon pravioŭ za kratami roŭna čatyry hady. U Ivacevičy sustrakać jaho sabralisia siabry, prosta spahadnyja ludzi i žurnalisty.

Jak paviedamiŭ Eduard pa vychadzie sa ścienaŭ turmy, jašče u 2011-m jamu trojčy prapanoŭvali pisać prašeńnie ab pamiłavańni, jon admoviŭsia i z taho času jamu pra heta nie kazali.

U suviazi z pryznačeńniem previentyŭnaha nahladu Łobaŭ pakul nie viedaje, čym budzie zajmacca, ale padkreśliŭ, što ŭ turmie jaho pohlady nie źmianilisia i jon budzie praciahvać hramadska-palityčnuju dziejnaść.

Pavialičyć

Pavialičyć

Pavialičyć

Pavialičyć

Łobaŭ byŭ zatrymany razam sa Źmitrom Daškievičam 18 śniežnia 2010 h., za dzień da prezidenckich vybaraŭ.

Pavodle milicyi, u dvary žyłoha doma pa vulicy Janki Bryla jany nibyta źbivali Kanstancina Savickaha i Aleha Małyšava. Praŭda, hetyja nidzie nie pracujučyja hramadzianie tak i nie źjavilisia ŭ sudzie ŭžyvuju.

Zatrymańnie Daškieviča i Łobava było aceniena jaje previentyŭnaja miera milicyi napiaredadni prezidenckich vybaraŭ. 24 sakavika 2011 h. Łobaŭ byŭ pryhavorany da čatyroch hadoŭ pazbaŭleńnia voli ŭ kałonii ŭzmocnienaha režymu, a Daškievič — da dvuch hadoŭ.

Za kratami ŭ Biełarusi zastaniecca piać palitviaźniaŭ:

kandydat u prezidenty Mikoła Statkievič, jaki asudžany na šeść hadoŭ źniavoleńnia. Jon pavinien vyjści na volu praz dva hady, 19 śniežnia 2016 hoda. Adbyvaje pakarańnie: 212011 h. Mahiloŭ, vuł.Krupskaj, 99a, turma № 4, ale 12 studzienia pavinien być pieraviedzieny ŭ kałoniju, 

Taksama za kratami znachodziacca čatyry anarchisty:

Mikałaj Dziadok, asudžany na 4,5 hoda turmy. Pavinien vyjści na volu 6 sakavika 2015 hoda. Adbyvaje pakarańnie: 212011 h. Mahiloŭ, vuł.Krupskaj, 99a, turma № 4

Ihar Alinievič, asudžany na 8 hadoŭ źniavoleńnia. Pavinien vyjści na volu 6 vieraśnia 2018 hoda. Adbyvaje pakarańnie: 211440 Viciebskaja vobł., h. Navapołack, vuł. Techničnaja, 8, papraŭčaja kałonija № 10

Jaŭhien Vaśkovič, asudžany na 7 hadoŭ źniavoleńnia. Pavinien vyjści na volu ŭ studzieni 2018 hoda. Adbyvaje pakarańnie: 212011 h. Mahiloŭ, vuł.Krupskaj, 99aturma № 4

Arciom Prakapienka, asudžany na siem hadoŭ źniavoleńnia. Pavinien vyjści na volu ŭ studzieni 2018 hoda. Adbyvaje pakarańnie: 212013, h. Mahiloŭ, Słaŭharadskaja šaša, 183, VK № 15.

• 0
• 0
• 0
• 0
• 0
• 0