Niekatoryja supracoŭniki MUS Čačni admovilisia padpisać niezakonny rapart ab hatoŭnaści vykanać luby zahad viarchoŭnaha hałoŭnakamandujučaha Uładzimira Pucina i kiraŭnika Čačni Ramzana Kadyrava.
Pry hetym kala 20 tysiač čałaviek — palicyjantaŭ i vajskoŭcaŭ PPSP imia Achmata Kadyrava — padpisali rapart i prynieśli prysiahu Pucinu.
Pavodle infarmacyi «Novaj haziety», padpisać rapart supracoŭnikam MUS Čačni było prapanavana pad pahrozaj zvalnieńnia. Pry hetym na miesca 500 palicejskich, jakija admovilisia padpisvać papieru, pryniali navabrancaŭ ź liku biespracoŭnaj čačenskaj moładzi.
Cyrymonija, na jakoj 20 tysiač supracoŭnikaŭ unutranych spraŭ zajavili pra hatoŭnaść «vykanać luby zahad V. V. Pucina, ministra ŭnutranych spraŭ Rasii V. A. Kałakolcava i Kiraŭnika Čačenskaj Respubliki… R. A. Kadyrava pa abaronie intaresaŭ Rasijskaj Fiederacyi ŭ lubym punkcie śvietu», adbyłasia 28 śniežnia na stadyjonie «Dynama» ŭ Hroznym. Ahulnaje pastrajeńnie zaviaršyłasia pryniasieńniem prysiahi na viernaść Pucinu.
Pry hetym, jak adznačaje «Novaja hazieta», padpisańnie rapartaŭ i pryniasieńnie prysiahi supiarečać zakonu «Ab palicyi». Supracoŭniki MUS padparadkoŭvajucca tolki kiraŭnikam palicyi. Nie źjaŭlajučysia ni vajskoŭcami, ni hramadzianskimi asobami, jany ŭ pryncypie nie mohuć vykonvać zahady Ramzana Kadyrava, jaki źjaŭlajecca kiraŭnikom subjekta RF, to bok pradstaŭnikom vykanaŭčaj ułady.
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary