Maciarynski kapitał dy inšyja źmieny ŭ zakanadaŭstvie z 1 studzienia 2015 hoda

1) Siamiejny kapitał

Za treciaha i nastupnych dziaciej, jakija narodziacca z 1 studzienia 2015 pa 31 śniežnia 2019 hoda, dziaržava budzie kłaści na rachunak pad pracent 10 tysiač dołaraŭ.

Za siamiejnym kapitałam moža źviarnucca na praciahu 6 miesiacaŭ z dnia naradžeńnia ci ŭsynaŭleńnia dziciaci. Kapitał možna budzie vykarystać dla palapšeńnia žyllovych umovaŭ, atrymańnia adukacyi, ale tolki kali dziciaci spoŭnicca 18 hadoŭ. Srodki mohuć być vykarystanyja daterminova ŭ vypadku chvaroby kaho-niebudź ź siamji.

2) Antynarkatyčnyja miery

Pavialičvajucca terminy pazbaŭleńnia voli za zbyt narkotykaŭ (naprykład, na terytoryi ŭstanovy adukacyi — z 13 da 15 hadoŭ); za zbyt narkotykaŭ zaviedama niepaŭnahadovamu — z 8 da 15 hadoŭ. Da 14 hadoŭ budzie panižany ŭzrost pryciahnieńnia da kryminalnaj adkaznaści. Stanie vierahodnym, što złačynca za narkatu moža atrymać termin bolšy, čym pražytaje im žyćcio. Pa dadzienych MUS u biahučym hodzie było 361 narkazłačynstvaŭ z udziełam niepaŭnaletnich.

Taksama ŭvodzicca administracyjnaja adkaznaść za źjaŭleńnie ŭ hramadskim miescy ŭ stanie, vyklikanym užyvańniem psichatropnych rečyvaŭ — štraf ad 5 da 10 bazavych i ŭniasieńnie ŭ admysłovy rejestr spažyŭcoŭ, za paŭtor na praciahu hoda — navat abmiežavańnie voli da dvuch hadoŭ.

3) Vyraście bazavaja vieličynia

Na 30 tysiač pavialičvajecca bazavaja vieličynia — da 180 tysiač rubloŭ. Vyraście ŭsio, što pryviazana da jaje. Uziać ci skasavać šlub budzie kaštavać 540 tysiač, zamianić pašpart ci zarehistravać IP — 90 tysiač. A štraf za pieravyšeńnie chutkaści moža dasiahnuć 2,7 miljona rubloŭ.

4) Źmieniacca praviły biaśpieki darožnaha ruchu

Z 16 studzienia dla lehkavych aŭtamabilaŭ abaviazkovym stanie vykarystańnie zimovych šynaŭ (z 1 śniežnia pa 1 sakavika). Štraf za parušeńnie — 90 tysiač. Abaviazkovym stanuć dziciačyja kresły. Źmienicca i minimalna dapuščalnaja stupień śvietłaprapuskalnaści dla vietravoha škła aŭtamabilaŭ — z 75 da 70%.

5) Novyja praviły dla interneta

Ciapier u lubych infarmacyjnych internet-resursaŭ i błohaŭ budzie adkaznaść jak u ŚMI. Razam z hetym, uładalnik sajta vymušany budzie kantralavać kamientaryi, jakija raźmiaščajucca na infarmacyjnym resursie. Nievykanańnie hetych patrabavańniaŭ budzie źjaŭlacca padstavaj dla vyniasieńnia papiaredžańnia Ministerstvam infarmacyi, pry dvuch papiaredžańniach dostup da sajta na terytoryi Biełarusi moža być abmiežavany biez suda.

• 0
• 0
• 0
• 0
• 0
• 0
• 0
• 0