U Minsku zaćvierdzili prahramu navahodnich śviatkavańniaŭ: hulańni da 4‑j ranicy
Minharvykankam abviaściŭ prahramu navahodnich i kaladnych śviatočnych mierapryjemstvaŭ, jakija projduć u stalicy. Kulturnyja łakacyi buduć pracavać va ŭsich rajonach horada, paviedamlaje Minharvykankam.
15 śniežnia, papiarednie ŭ 17:00, na Kastryčnickaj płoščy adbudziecca ŭračystaje zapalvańnie hałoŭnaj jołki i śviatočnaj iluminacyi.
Placoŭka kala Pałaca sportu
Z 25 śniežnia pa 7 studzienia kožny viečar u 19:00 budzie pačynacca kazka «Tajamnica navahodniaj paštoŭki».
Vierchni horad (pł. Svabody)
Z 25 śniežnia pa 4 studzienia štodzionna ŭ 17:30 i 20:00 buduć ładzić pakazy «Sakrety navahodniaha nastroju».
Rakaŭski dvoryk
Kancertnyja prahramy čakajucca na praciahu ŭsiaho śviatočnaha pieryjadu.
Łošycki historyka-kulturny kompleks
Kancerty buduć prachodzić kožnuju subotu, pačynajučy z 20 śniežnia, z 18:00 da 20:00.
U navahodniuju noč u stalicy zapracujuć bolš za 20 śviatočnych placovak va ŭsich rajonach horada, jakija buduć dziejničać prykładna da 3:00 1 studzienia.
Asnoŭnyja hulańni na ahulnaharadskoj placoŭcy kala Pałaca sportu praciahnucca da 4:00 1 studzienia. Tut vystupiać viadomyja artysty, maładyja vykanaŭcy i tvorčyja kalektyvy.
Akramia taho, 1 studzienia ŭviečary, z 20:00 da 23:00, kala Pałaca sportu projdzie maštabnaja dyskateka.
Kamientary