Upłyvovyja rasijanie paprasili Pucina «reabilitavać» Ivana Urhanta. Toj admoviŭ
Prezident Rasii Uładzimir Pucin admoviŭsia viarnuć televiadučaha Ivana Urhanta ŭ publičnuju prastoru, kali pra heta jaho paprasili viadomyja rasijanie. Pra heta ŭ vialikaj publikacyi pra Urhanta raspaviała hazieta The New York Times, piša «Mieduza».
Pavodle źviestak krynic vydańnia, upłyvovyja rasijanie naŭprost źviarnulisia da Pucina z prośbaj «reabilitavać Urhanta», jaki źnik z rasijskaha telebačańnia paśla taho, jak vystupiŭ suprać poŭnamaštabnaha ŭvarvańnia vojskaŭ RF va Ukrainu.
Krynicy śćviardžajuć, što Pucin «rezka» reahavaŭ na takija prośby. Časam prezident Rasii spasyłaŭsia na infarmacyju pra toje, što Urhant nie łajalny. Miarkujecca, što Pucin atrymaŭ takija źviestki ad rasijskich śpiecsłužbaŭ, jakija rehularna rychtujuć daviedki abo daśje na dziejačaŭ kultury Rasii, adznačaje NYT.
Pres-sakratar prezidenta RF Dźmitryj Piaskoŭ zajaviŭ RBK, što jamu «pra heta ničoha nie viadoma».
Ivan Urhant nie adkazaŭ na zapyt žurnalistaŭ pra kamientaryj.
Paśla pačatku vajny Ivan Urhant apublikavaŭ u instahramie čorny kvadrat sa słovami «Strach i bol. NIE VAJNIE». Paśla hetaha jaho televizijnaje šou «Viačerni Urhant» źnikła z efiru Pieršaha kanała. Pra zakryćcio šou aficyjna nie abviaščałasia.
Urhant praciahvaje žyć u Rasii. Jak piša vydańnie, jon pracuje na dniach naradžeńnia i viasiellach. Taksama jon vystupaje za miažoj.
Ciapier čytajuć
Jak u halečy śpivałasia radnia Łukašenki? Małaviadomyja fakty7
Kamientary