«Stolki hadoŭ ich čakali, i heta ŭžo niejak vyrašym». Siastra Kaleśnikavaj adkazała, kali zmoža sustrecca z Maryjaj
Svajaki Maryi Kaleśnikavaj pakul nie viedajuć, jak i kali atrymajecca sustrecca ź joj. Ale, viadoma, jany vielmi radyja jaje vyzvaleńniu, raskazała siastra Kaleśnikavaj Taćciana Chomič, piša «Lusterka».
Na pytańnie žurnalistaŭ pra toje, ci viadoma, kali siamja zmoža sustrecca z Maryjaj, Taćciana adkazała admoŭna.
«Ciapier my taksama budziem vyśviatlać, kali [jany] zmohuć dabracca da nas, [jak mienavita heta] budzie. Nasamreč, pakul što heta nie vielmi zrazumieła», — raskazała jana.
Na dumku siastry Kaleśnikavaj, vyzvalenych pavieźli va Ukrainu spantanna. I ŭsio dla taho, kab ich «nie zmahli sustreć tut [u Litvie]».
«Ale ja dumaju, što samaje važnaje — što jany na voli. A heta [vyvaz va Ukrainu] — užo mienš važnaje, druharadnaje pytańnie. My stolki hadoŭ ich čakali, i heta my ŭžo vyrašym», — upeŭnienaja Chomič.
Jašče da taho, jak stała viadoma, što palitviaźniaŭ paviazuć va Ukrainu, Taćciana raskazvała «Lusterku» pra pieršuju praz šmat hadoŭ razmovu ź siastroj.
«Jana była karotkaja. Maša, viadoma, vielmi radaja była mianie bačyć. Kazała, što jana mianie lubić, pieradaje ŭsim pryvitańni. I dziakavała namahańniam ZŠA, prezidenta Trampa, biełaruskamu boku za hetyja pieramovy, za mahčymaść być na voli. Jana vielmi hetamu radaja. Čakaje ź nieciarplivaściu, kab nas usich ubačyć, abniać. Tamu ja była biaźmierna ščaślivaja ŭbačyć jaje ŭśmiešku», — apisvała Chomič.
Vyhladała Maryja Kaleśnikava dobra, dadała jaje siastra. A sama jana vielmi mocna čakaje sustrečy, za jakuju zmahałasia šmat hadoŭ.
Na voli Maryja Kaleśnikava, Viktar Babaryka, Maryna Zołatava, Aleś Bialacki, Maksim Znak! Ahułam vyzvaleny 123 palitviaźni
Bolšaść palitviaźniaŭ, vyzvalenych siońnia, vysłali va Ukrainu
«Pačućcio niejmaviernaha ščaścia». Źjaviłasia vialikaje VIDEA z vyzvalenymi biełaruskimi palitviaźniami
Vyzvalenyja biełaruskija palitviaźni raskazali, jakija pačućci adčuvajuć paśla vyzvaleńnia
«A što my mahli ŭvohule čakać ad Łukašenki? Što jon nie budzie ździekavacca?» Cichanoŭskaja pra vyzvaleńnie palitviaźniaŭ i vysyłku ich va Ukrainu
Zialenski parazmaŭlaŭ z Maryjaj Kaleśnikavaj i pavinšavaŭ jaje z vyzvaleńniem
Kamientary