Antynarkatyčny dekret parušyŭ rabotu biełaruskich płaciežnych sistem
Ab abmiežavańniach u rabocie płaciežnych siervisaŭ praz dekret «Ab nieadkładnych mierach pa procidziejańni niezakonnamu abarotu narkotykaŭ» raspaviadaje Electroname.
Prajekt «MTS Hrošy», što dazvalaŭ rabić płaciažy z rachunku mabilnaha telefonu, časova prypyniŭ rabotu z 1 studzienia 2015 hoda.
Sistema płaciožnych terminałaŭ QIWI prypyniła papaŭnieńnie elektronych kašalkoŭ Belqi, EasyPay i WMB, ale abiacaje paviedamić ab mahčymaści adnaŭleńnia pasłuh.
Prypyniła svaju dziejnaść i sistema mabilnych płaciažoŭ iPay.
Pakul nie adkryvaje novyja rachunki Belqi – novyja praviły vymahajuć praceduru identyfikacyi karystalnika ŭ «Pryjorbanku» (u ciapierašnich uładalnikaŭ na identyfikacyju jość čas da 1 sakavika). Takoje ža praviła ŭviali W1 Bel, identyfikacyi patrabuje i WebMoney.
U metach baraćby z prodažam narkotykaŭ Dekret №6 uvioŭ abaviazkovuju identyfikacyju ŭładalnikaŭ elektronnych kašalkoŭ u płaciožnych sistemach, što dziejničajuć na terytoryi Biełarusi. Akramia taho, byli pavialičanyja pakarańni dla handlaroŭ narkotykami, MUS atrymała dadatkovyja paŭnamoctvy, uviedzienaje paniaćcie «anałahu narkotykaŭ», stvoranaja sistema ŭliku narkamanaŭ, uzmocnieny kantrol u internecie.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary