Prezident Rasii Uładzimir Pucin u noč na piatnicu, 16 studzienia, nakiravaŭ piśmovaje pasłańnie prezidentu Ukrainy Piatru Parašenku, u jakim utrymlivaŭsia płan advodu bajevikami-«apałčencami» i siłavikami ciažkaj artyleryi.
Pra heta paviedamiŭ pres-sakratar rasiejskaha lidara Dźmitryj Piaskoŭ.
«Na žal, ukrainski bok admoviŭsia ad takoj prapanovy i nie vystupiŭ ź jakimi-niebudź sustrečnymi prapanovami, i, bolš za toje, znoŭ pačaŭ bajavyja dziejańni», — skazaŭ Piaskoŭ.
U vyniku, adznačyŭ jon, «my ŭsie bačym u hetyja hadziny bieśpierapynnyja abstreły Daniecka i absalutnuju dehradacyju situacyi na paŭdniovym uschodzie».
Napiaredadni 16 studzienia rasijskija siły raspačali dobra padrychtavany šturm Danieckaha aeraporta. 17 i 18 studzienia ŭkrainskija vojski vymušany byli nanieści masiravany artyleryjski ŭdar, kab razarvać kołca atačeńnia aeraporta.
Zajava Piaskova moža źviestavać novy vitok eskałacyi i ŭstupleńnie ŭ bajavyja dziejańni na Danbasie dadatkovych rasijskich siłaŭ.
Kamientary