Прэзідэнт Расіі Уладзімір Пуцін у ноч на пятніцу, 16 студзеня, накіраваў пісьмовае пасланне прэзідэнту Украіны Пятру Парашэнку, у якім утрымліваўся план адводу баевікамі-«апалчэнцамі» і сілавікамі цяжкай артылерыі.
Пра гэта паведаміў прэс-сакратар расейскага лідара Дзмітрый Пяскоў.
«На жаль, украінскі бок адмовіўся ад такой прапановы і не выступіў з якімі-небудзь сустрэчнымі прапановамі, і, больш за тое, зноў пачаў баявыя дзеянні», — сказаў Пяскоў.
У выніку, адзначыў ён, «мы ўсе бачым у гэтыя гадзіны бесперапынныя абстрэлы Данецка і абсалютную дэградацыю сітуацыі на паўднёвым усходзе».
Напярэдадні 16 студзеня расійскія сілы распачалі добра падрыхтаваны штурм Данецкага аэрапорта. 17 і 18 студзеня ўкраінскія войскі вымушаны былі нанесці масіраваны артылерыйскі ўдар, каб разарваць колца атачэння аэрапорта.
Заява Пяскова можа звеставаць новы віток эскалацыі і ўступленне ў баявыя дзеянні на Данбасе дадатковых расійскіх сілаў.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары